நாம் ஒன்றிணைந்து செயற்பட்டால் இந்த நாட்டை மிக உயர்ந்த இடத்திற்கு உயர்த்த முடியும் - அமைச்சர் பியல் நிஷாந்த தெரிவிப்பு.samugammedia நாம் ஒன்றிணைந்து செயற்பட்டால் மிகக் குறுகிய காலத்திற்குள் எமது நாட்டை உயர்நிலைக்கு உயர்த்த முடியும் என இராஜாங்க அமைச்சர் பியல் நிஷாந்த தெரிவித்தார்.நேற்றைய தினம் (01)  ஸ்ரீலங்கா பொதுஜன பெரமுன கட்சியின் தலைமையகத்தில் நடைபெற்ற செய்தியாளர் மாநாட்டில் கலந்து கொண்டு கருத்து தெரிவிக்கையிலேயே அவர் தெரிவித்தார். அங்கு இராஜாங்க அமைச்சர் திரு.பியால் நிஷாந்த மேலும் தெரிவிக்கையில் இந்த நாடு அராஜகமான நிலையில் இருந்த போது தற்போதைய ஜனாதிபதி ரணில் விக்கிரமசிங்க இந்த நாட்டின் பொறுப்பை ஏற்றுக்கொண்டார். சஜித் பிரேமதாச,  அனுர குமார திஸாநாயக்க மற்றும் ஒரு குழுவினர் அந்தப் பொறுப்பை ஏற்றுக்கொள்வதற்கு முன்னதாக ஜனாதிபதி அந்தப் பொறுப்பை ஏற்குமாறு அழைக்கப்பட்டிருந்தனர். ஆனால் இவர்கள் அனைவரும் அந்தப் பொறுப்பை ஏற்று செயல்படவில்லை.அவர்கள் பொறுப்பேற்க பயப்படுகிறார்கள். இவ்வாறான இக்கட்டான சூழ்நிலையில் தற்போதைய ஜனாதிபதி இந்தப் பொறுப்பை ஏற்று அனைத்து அரச அதிகாரிகளுடன் இணைந்து அரச அதிகாரிகள் நாட்டை ஒருவித இயல்பு நிலைக்கு கொண்டுவர தேவையான நடவடிக்கைகளை மேற்கொண்டுள்ளனர். அந்த மரியாதையையும் நன்றியையும் நாட்டு மக்கள் சார்பாக தற்போதைய ஜனாதிபதிக்கு தெரிவித்துக் கொள்ள வேண்டும்.  இந்த நாட்டில் பாரிய அபிவிருத்தி ஆரம்பிக்கப்பட்டுள்ளது மேலும், நம் நாட்டில் ரூபாயின் மதிப்பு வலுப்பெற்றுள்ளது. இலங்கைக்கு அதிகளவான சுற்றுலா பயணிகள் வருகை தருகின்றனர். மேலும், சுற்றுலா வலயங்களை அபிவிருத்தி செய்வதற்கான அவசர வேலைத்திட்டம் ஒன்று செயற்படுத்தப்பட்டு வருகின்றது.அத்துடன் உறுமய வேலைத்திட்டத்தின் ஊடாக மக்களிடம் இருந்து விடுபட்டுள்ள பிரச்சினைகளை தீர்ப்பதற்கு தேவையான வேலைத்திட்டங்கள் துரித கதியில் நிறைவேற்றப்பட்டு வருகின்றது.முன்னெப்போதையும் விட இப்போது நிலைமை மிகவும் நம்பிக்கைக்குரியதாக மாறி வருகிறது. சில குறுகிய அரசியல் ஆதாயங்களுக்காக ஆட்சிக்கு வர முயற்சித்தவர்கள் தற்போது ஊடகவியலாளர் சந்திப்பை நடத்தினால் அவர்களைப் பற்றி பேசுவோம் என்று கூறுகின்றனர். அவர்களைப் பற்றி பேசுவது அந்தக் குழுவின் பயத்தால் அல்ல. அனைவரும் இணைந்து செயல்படுவோம். நாம் ஒன்றிணைந்து செயற்பட்டால் மிகக் குறுகிய காலத்திற்குள் இந்த நாட்டை மிக உயர்ந்த இடத்திற்கு உயர்த்த முடியும். இந்தப் பயணத்தில் தவறான இடங்களை விமர்சிப்பதில் எந்தப் பிரச்சினையும் இல்லை. எனினும் அவர்கள் இந்த நாட்டையும் நாட்டு மக்களையும் நேசிப்பவர்களல்ல, கால்களை தரையில் வைத்து இந்த நாட்டை உரிய முறையில் தூக்கிச் செல்வதற்கு இடையூறாக பல்வேறு திட்டங்களைச் செயற்படுத்துபவர்கள்.எங்களின் பொறுப்பை நிறைவேற்றுவோம் என நம்புகிறோம். மக்களின் அழுத்தமான பிரச்சினைகளுக்கு விரைவான தீர்வுகளை வழங்குவதற்கும் நாங்கள் செயற்பட்டு வருகிறோம், இந்த நாட்டை முன்னோக்கி கொண்டு செல்ல வேண்டுமாயின் நாம் அனைவரும் ஒன்றிணைந்து செயற்பட வேண்டும். என அவர் தெரிவித்துள்ளார்.