எதிர்வரும் 2024இல் நாட்டின் பொருளாதாரம் மேலும் வீழ்ச்சியடையும்.மக்களின் துன்பங்கள் அதிகரிக்கும். எதிர்வுகூறிய சஜித் தரப்பு எம்.பி.samugammedia எதிர்வரும் '2024 ஆம் ஆண்டு நாட்டின் பொருளாதாரம் மேலும் வீழ்ச்சியடையும் என்பதுடன் மக்களின் துன்பங்கள் அதிகரிக்கும் ஆண்டாக இருக்கும் என ஐக்கிய மக்கள் சக்தியின் பாராளுமன்ற உறுப்பினர் ரஞ்சித் மத்தும பண்டார தெரிவித்துள்ளார்.கொழும்பிலுள்ள எதிர்க்கட்சி தலைவரின் அலுவலகத்தில் இன்று இடம்பெற்ற ஊடக சந்திப்பின்போதே அவர் இதனை தெரிவித்தார்.அவர் மேலும் தெரிவிக்கையில்,2024ஆம் ஆண்டுக்கான வரவு செலவுத் திட்டத்தில் மக்கள் பல நிவாரணங்களை எதிர்பார்த்துள்ளதாகவும், ஆனால் மக்களின் நம்பிக்கைகள் உடைக்கப்பட்டுள்ளதாகவும் ரஞ்சித் மத்தும பண்டார தெரிவித்துள்ளார்.VAT தொடர்பில் அரசாங்கத்தில் அங்கம் வகிக்கும் உறுப்பினர்கள் இணக்கமாக இல்லை எனவும் VAT தொடர்பில் அரசாங்கம் இரட்டைக் கொள்கையைக் கடைப்பிடிப்பதாகவும் வற் வரியை 18 வீதமாக அதிகரிப்பதன் மூலம் 2024 ஆம் ஆண்டு ஜனவரி முதலாம் திகதிக்கு பின்னர் ஒவ்வொரு லீற்றர் எரிபொருளும் 60 முதல் 70 ரூபாவினால் அதிகரிக்கப்படும் எனவும் அனைத்து அத்தியாவசியப் பொருட்களின் விலைகளும் அதிகரிக்குமெனவும் தெரிவித்தார்.சர்வதேச நாணய நிதியத்தின் முதலாம் மற்றும் இரண்டாம் தவணைகள் கிடைக்கப்பெற்றுள்ள நிலையில், அந்த கடன் தவணைகளை பெற்றுக்கொண்டு மக்களுக்கு எவ்வித நன்மையும் கிடைக்கவில்லை.சர்வதேச நாணய நிதியத்தின் தேவைக்கேற்ப அரசாங்கம் வரிகளை அதிகரித்து மக்களை ஒடுக்கியுள்ளது.மக்களிடமிருந்து வரவு செலவுத் திட்ட வருமானத்தை வசூலிப்பதற்காக அரசாங்கம் VAT வரியை 18 சதவீதமாக உயர்த்தியது. VAT பற்றி பேசுவதற்கு எதிர்க்கட்சிகளுக்கு அரசாங்கம் சந்தர்ப்பம் வழங்கவில்லை.அரசாங்கத்தின் உறுப்பினர்களும் VAT இல் உடன்படவில்லை. VAT தொடர்பாக அரசாங்கம் இரட்டைக் கொள்கையைக் கொண்டுள்ளது. வரவு செலவுத் திட்டத்திற்கு ஆதரவாக மஹிந்த ராஜபக்ஷ வாக்களித்தார். நாமல் ராஜபக்ஷ VATக்கு எதிராக பேசுகிறார். கடந்த காலத்தில் மக்களை ஏமாற்றினார்கள். இன்றும் மக்கள் ஏமாற்றப்படுகிறார்கள்.வரி வசூலிக்காமல், வங்கிகளில் கோடிக்கணக்கில் கடன் வாங்கி வைத்திருக்கும் அரசுக் குட்டித் தொழிலதிபர்களிடம் வசூலிக்காமல், சாமானிய மக்களிடம் வரி வசூலிக்க அரசு முயற்சிக்கிறது எனவும் தெரிவித்தார்.