நகர அபிவிருத்தி அதிகார சபைக்கும் வர்த்தகர்களுக்கும் இடையில் புரிந்துணர்வு ஒப்பந்தம் SamugamMedia கிம்புலாவெல வீதி உணவு நடமாடும் வர்த்தக வலையமைப்பு முறைப்படுத்தப்படும். அதன்படி அந்தந்த நடமாடும் கடைகள் பிற்பகல் 3.30 மணி முதல் அதிகாலை 2.30 மணி வரை செயல்படவும், பகல் நேரத்தில்  அந்த இடத்தில் இருந்து நடமாடும் கடைகளை அகற்றவும் முடிவு செய்யப்பட்டுள்ளது.நடமாடும் கடைகள் இயங்கும் இடங்களை சுத்தம் செய்வது சம்பந்தப்பட்ட வியாபார சங்கத்திடம் ஒப்படைக்கப்படும் என்றும், நடமாடும் கடைகள் முன்பு வாடிக்கையாளர் வாகனங்களை நிறுத்துவது முற்றிலும் தடை செய்யப்பட்டுள்ளது. அதற்கான மாற்று இடம் வழங்கவும் நடவடிக்கை எடுக்கப்பட்டு வருகிறது.இன்று (21) கிம்புலாவெலவில் உள்ள வீதி உணவு நடமாடும் விற்பனை நிலைய உரிமையாளர்களுக்கும் நகர அபிவிருத்தி மற்றும் வீடமைப்பு அமைச்சர் திரு.பிரசன்ன ரணதுங்கவிற்கும் இடையில் இடம்பெற்ற கலந்துரையாடலின் போதே இந்த தீர்மானங்கள் எட்டப்பட்டுள்ளன. பெப்ரவரி 24ஆம் திகதிக்குள் இந்தக் கடைகளை அகற்றுமாறு வீதி அபிவிருத்தி அதிகாரசபையின் அறிவித்தலின் அடிப்படையில் இந்த கலந்துரையாடல் இடம்பெற்றது.இந்த, விடயம் தொடர்பில் இன்று (21) பாராளுமன்றத்தில் கேள்வி எழுப்பப்பட்டதுடன், இந்த விற்பனை நிலையங்கள் அவ்விடத்திலிருந்து அகற்றப்பட மாட்டாது என அமைச்சர் தெரிவித்தார்.மேலும் இந்த இடத்தில் போக்குவரத்து நெரிசலை குறைக்கும் வகையில் ஒழுங்குமுறை மட்டுமே மேற்கொள்ளப்பட்டு வருவதாகவும் அவர் குறிப்பிட்டார்.இந்த கலந்துரையாடலில் கலந்துகொண்ட கிம்புலாவல பிரதேசவாசிகள் வீதி உணவு நடமாடும் கடைகளால் தாங்களும் பல்வேறு இடையூறுகளை எதிர்கொண்டுள்ளதாக சுட்டிக்காட்டினர். அந்தத் தடைகளை நீக்குமாறு அமைச்சரிடம் கேட்டுக் கொண்டனர். அதற்கு பதிலளித்த அமைச்சர் பிரசன்ன ரணதுங்க, உள்ளூர் மக்கள் எதிர்நோக்கும் பிரச்சினைகள் மற்றும் நடமாடும் கடை உரிமையாளர்கள் எதிர்நோக்கும் பிரச்சினைகளுக்கு விரைவில் தீர்வுகள் வழங்கப்படும் என்றார்.நடமாடும் வர்த்தகம் நடைபெறும் இடத்தை கட்டாயம் சுத்தம் செய்ய வேண்டும் என்றும், துப்புரவு செலவு உள்ளிட்ட அனைத்து பொறுப்புகளையும் சம்பந்தப்பட்ட வர்த்தக சங்கமே ஏற்க வேண்டும் என்றும் முடிவு செய்யப்பட்டது.நகர அபிவிருத்தி அதிகார சபை மற்றும் சம்பந்தப்பட்ட வர்த்தக சங்கத்தினரிடையே புரிந்துணர்வு ஒப்பந்தமும் கைச்சாத்திடப்படவுள்ளது. இது மூன்று மாத காலத்திற்கு நடைமுறையில் இருக்கும் மற்றும் அந்த காலப்பகுதியில் உரிய புரிந்துணர்வு ஒப்பந்தம் மீறப்பட்டால், அதற்கு பதிலாக மாற்று இடத்தை அறிமுகப்படுத்த நடவடிக்கை எடுக்கப்படும்.இந்த நாட்டின் சுற்றுலாத்துறையின் வளர்ச்சிக்கு வீதியுணவு என்ற கருத்தாக்கம் உதவும் என அமைச்சர் சுட்டிக்காட்டினார்.நடமாடும் வர்த்தகம் நடைபெறும் இடத்தை கட்டாயம் சுத்தம் செய்ய வேண்டும் என்றும், துப்புரவு செலவு உள்ளிட்ட அனைத்து பொறுப்புகளையும் சம்பந்தப்பட்ட வர்த்தக சங்கமே ஏற்க வேண்டும் என்றும் முடிவு செய்யப்பட்டது.நகர அபிவிருத்தி அதிகார சபை மற்றும் சம்பந்தப்பட்ட வர்த்தக சங்கத்தினரிடையே புரிந்துணர்வு ஒப்பந்தமும் கைச்சாத்திடப்படவுள்ளது. இது மூன்று மாத காலத்திற்கு நடைமுறையில் இருக்கும் மற்றும் அந்த காலப்பகுதியில் உரிய புரிந்துணர்வு ஒப்பந்தம் மீறப்பட்டால், அதற்கு பதிலாக மாற்று இடத்தை அறிமுகப்படுத்த நடவடிக்கை எடுக்கப்படும்.இந்த நாட்டின் சுற்றுலாத்துறையின் வளர்ச்சிக்கு வீதியுணவு என்ற கருத்தாக்கம் உதவும் என அமைச்சர் சுட்டிக்காட்டினார்.