டிஜிட்டல் பொருளாதார அமைச்சகத்திற்கு புதிய செயலாளர் நியமிப்பு டிஜிட்டல் பொருளாதார அமைச்சின் செயலாளராக வருண ஸ்ரீ தனபாலவை ஜனாதிபதி அனுர குமார திசாநாயக்க நியமித்துள்ளார்.ஜனாதிபதியின் செயலாளர் டாக்டர் நந்திக சனத் குமநாயக்கவினால் இன்று (13) பிற்பகல் ஜனாதிபதி செயலகத்தில் வைத்து அவருக்கு நியமனக் கடிதம் முறையாக வழங்கப்பட்டது.இலங்கை நிர்வாக சேவையின் சிறப்பு தர அதிகாரியான திரு. தனபால, 2024 நவம்பர் 29 முதல் முறையான நியமனம் பெறும் வரை டிஜிட்டல் பொருளாதார அமைச்சகத்தின் பதில் செயலாளராகப் பணியாற்றி வந்தார்.