சுற்றுச்சூழலை சுத்தமாக பேணாத 2,999 இடங்களுக்கு சிவப்பு அறிவிப்பு - 673 பேர் மீது சட்ட நடவடிக்கை கடந்த மாதம் 30ஆம் திகதி முதல் நேற்றுவரை நடத்தப்பட்ட சோதனையின் போது, 26,625 இடங்கள் நுளம்பு குடம்பிகள் அதிகளவில் பெருகும் இடங்களாக அடையாளம் காணப்பட்டுள்ளது.தேசிய டெங்கு கட்டுப்பாட்டு வாரத்தின் ஐந்தாவது நாளான நேற்று 13,642 இடங்களில் சோதனை செய்யப்பட்டதாக தேசிய டெங்கு கட்டுப்பாட்டுப் பிரிவின் நிபுணர் பிரஷீலா சமரவீர தெரிவித்தார்.நேற்று நடத்தப்பட்ட சோதனையின் போது, ​​நுளம்புகள் பெருகக்கூடிய இடங்களாக அடையாளம் காணப்பட்ட இடங்களின் எண்ணிக்கை 3,886 என்றும், நுளம்பு குடம்பிகள் இருப்பதாக அடையாளம் காணப்பட்ட இடங்களின் எண்ணிக்கை 382 என்றும் தெரிவித்துள்ளார்.அதன்படி ஐந்தாவது நாளில், 396 சிவப்பு அறிவிப்புகளை வெளியிட நடவடிக்கை எடுக்கப்பட்டுள்ளது.100 பேர் மீது சட்ட நடவடிக்கை எடுக்கப்பட்டுள்ளது.ஜூன் 30 முதல் இதுவரை தேசிய டெங்கு கட்டுப்பாட்டு வாரத்தை முன்னிட்டு நடத்தப்பட்ட சோதனையின் போது, ​​1,11031 இடங்கள் சோதனை செய்யப்பட்டு, நுளம்பு குடம்பிகள் வைக்கப்பட்டிருந்த 26,625 இடங்கள் அடையாளம் காணப்பட்டுள்ளது.இதுவரை, நுளம்பு குடம்பிகள் உள்ள 3,357 இடங்கள் கண்டறியப்பட்டுள்ளதாகவும், 2,999 சிவப்பு அறிவிப்புகள் வெளியிடப்பட்டுள்ளதாகவும், 673 பேர் மீது சட்ட நடவடிக்கை எடுக்கப்பட்டுள்ளதாக தெரிவிக்கப்பட்டுள்ளது.