தேயிலை ஏற்றுமதியில் பின்னடைவை சந்தித்த இலங்கை. உலக தேயிலை ஏற்றுமதியில் 2024 ஆம் ஆண்டில் இந்தியா மொத்தம் 254 மில்லியன் கிலோ கிராம் தேயிலையை ஏற்றுமதி செய்துள்ளதாக இந்திய தேயிலை வாரியம் வெளியிட்ட தரவுகளில் குறிப்பிடப்பட்டுள்ளது.இதன் மூலம் உலகின் இரண்டாவது அதிக தேயிலை ஏற்றுமதியாளராக இந்தியா மாறியுள்ளது.உலக தேயிலை ஏற்றுமதியில் கென்யா முதலிடத்தைத் தக்க வைத்துக் கொண்டாலும், இந்தியா இலங்கையை விஞ்சி இரண்டாவது இடத்தைப் பிடித்தது.2024 ஆம் ஆண்டில் கென்யா 500 மில்லியன் கிலோவுக்கு மேல் தேயிலையை ஏற்றுமதி செய்தது.2023 ஆம் ஆண்டில், இந்தியாவும் இலங்கையும் சுமார் 231 மில்லியன் கிலோ தேயிலை ஏற்றுமதியுடன் நேருக்கு நேர் மோதின.ஆனால் 2024 ஆம் ஆண்டில் இந்தியா 24 மில்லியன் கிலோ கூடுதல் ஏற்றுமதியுடன் தீவு நாட்டை முந்தியது.இந்தியாவின் 2024 புள்ளிவிவரங்கள், 2018 ஆம் ஆண்டில் சுமார் 256 மில்லியன் கிலோ தேயிலையை ஏற்றுமதி செய்ததைத் தொடர்ந்து இரண்டாவது சிறந்த ஏற்றுமதி இலாபமாகும்.இந்தியாவின் 2024 தேயிலை ஏற்றுமதி வருமானம் ₹7,112 கோடி ரூபாவாக இருந்தது.கடந்த பல ஆண்டுகளாக இந்தியாவின் ஏற்றுமதி புள்ளிவிவரங்கள் 200-225 மில்லியன் கிலோவாகவே இருந்தன.2018 ஆம் ஆண்டைத் தவிர, இந்த அற்புதமான வளர்ச்சி தேயிலைத் தொழிலுக்கு 2030 ஆம் ஆண்டுக்குள் 300 மில்லியன் கிலோ என்ற இலக்கை எட்டும் நம்பிக்கையை அளித்துள்ளது.இந்தியா சராசரியாக ஒவ்வொரு ஆண்டும் 1,400 மில்லியன் கிலோ தேயிலை  உற்பத்தி செய்வதாக தெரிவிக்கப்படுகிறது.