உள்ளாடைகளில் மலைப்பாம்புகள் கடத்தல் - பாங்காக் விமான நிலையத்தில் இலங்கையர் கைது உள்ளாடைகளில் மலைப்பாம்புகளை மறைத்து வைத்திருந்த இலங்கையர் ஒருவர் பாங்காக் சுவர்ணபூமி விமான நிலையத்தில் கைது செய்யப்பட்டுள்ளார்.  வனவிலங்கு குற்றப் புலனாய்வு மையத்தின் இயக்குனர் போலாவி புச்சாகியாட் தெரிவிக்கையில், ஷீஹான் என்று மட்டுமே அடையாளம் காணப்பட்ட இலங்கையர் ஒருவர் தாய் ஏர்வேஸ் விமானம் TG308 மூலம் நள்ளிரவு 12.06 மணிக்கு பாங்காக்கிற்கு  பயணித்துள்ளார். விமான நிலையத்தில் அவரிடம் மேற்கொள்ளப்பட்ட சோதனைகளில் ஓநாய்கள், மீர்கட்கள், கருப்பு காகடூக்கள், சர்க்கரை கிளைடர்கள், முள்ளம்பன்றிகள், பந்து மலைப்பாம்புகள், உடும்புகள், தவளைகள், சாலமண்டர்கள் மற்றும் ஆமைகள் உள்ளிட்ட பல்வேறு வனவிலங்கு இனங்களை கடத்தியதாக பதிவு செய்யப்பட்டுள்ளது. குறித்த நபர் மாலை 6 மணியளவில் தனது தங்குமிடத்திலிருந்து ஒரு டாக்ஸியில் புறப்பட்டு, இரவு 7 மணியளவில் சுவர்ணபூமி விமான நிலையத்தை அடைந்தார். தாய் ஏர்வேஸ் கவுண்டரில் அவர் சோதனை செய்து தனது  பொருள்களை  டேக் செய்த பிறகு, அதிகாரிகள் அவரை AoT இன் எக்ஸ்ரே கருவிகளைப் பயன்படுத்தி மேலும் ஆய்வுக்கு அழைத்தனர். அதன்போது சட்டவிரோத பொருட்கள் எதுவும் கண்டுபிடிக்கப்படவில்லை. பின்னர் அதிகாரிகள் ஒரு உடல் சோதனையில் மூன்று பந்து மலைப்பாம்புகள் அவரது உள்ளாடைகளில் மறைத்து வைக்கப்பட்டிருப்பதைக் கண்டறிந்தனர். இலங்கையருக்கு, அங்கீகாரம் இல்லாமல் கட்டுப்படுத்தப்பட்ட வனவிலங்குகளை ஏற்றுமதி செய்ய முயன்றதற்காக வனவிலங்கு பாதுகாப்பு மற்றும் பாதுகாப்புச் சட்டத்தின் பிரிவின் அடிப்படையில் சந்தேகநபர் கைதுசெய்யப்பட்டார்.