சூறாவளிக்குப் பின்னர் நாடு அதிகபட்ச பலத்துடன் மீண்டும் கட்டியெழுப்பப்படும் -கிழக்கு ஆளுநர் 78வது தேசிய சுதந்திர தின கொண்டாட்டங்களுடன் இணைந்து, கிழக்கு மாகாண சுதந்திர தின கொண்டாட்டங்கள் இன்று (04) திருகோணமலை கடற்கரையில் கிழக்கு மாகாண ஆளுநர் ஜயந்த லால் ரத்னசேகர தலைமையில் நடைபெற்றன.இந்த நிகழ்வில் உரையாற்றிய  ஆளுநர் தெரிவித்தாவது,இந்த ஆண்டு சுதந்திர தின கொண்டாட்டங்கள் "இலங்கையை கட்டியெழுப்புவோம்" என்ற கருப்பொருளில் கொண்டாடப்படுவதாகவும், இந்த ஆண்டு டித்வா சூறாவளிக்குப் பிறகு நாடு அதிகபட்ச பலத்துடன் மீண்டும் கட்டியெழுப்பப்படும் .கடந்த காலங்களில் மிகவும் கடினமான காலங்களில் எழுச்சி பெற்ற இலங்கை மக்கள், இந்த சந்தர்ப்பத்தில் ஒன்றிணைந்து நாட்டை வளர்ச்சி நோக்கி இட்டுச் செல்ல முடியும் .மக்கள், அரச  இயந்திரங்கள் மற்றும் அரச அதிகாரிகள் நாட்டை கட்டியெழுப்ப ஒன்றிணைந்து பணியாற்றக்கூடிய ஒரு சகாப்தம் உருவாகியுள்ளது. நாட்டை ஒன்றாக கட்டியெழுப்ப வேண்டியதன் அவசியமும் வெளிப்படுத்தப்பட்டது  என மேலும் தெரிவித்தார்.இந்த நிகழ்வில் , நாடாளுமன்ற உறுப்பினர்கள், கிழக்கு மாகாண தலைமைச் செயலாளர், திருகோணமலை மாவட்ட செயலாளர் ,மாகாண சபை அதிகாரிகள், முப்படை அதிகாரிகள், சர்வமத தலைவர்கள்,காவல்துறை மற்றும் சிவில் பாதுகாப்பு அதிகாரிகள், பாடசாலை மாணவர்கள், உள்ளூர்வாசிகள் மற்றும் பலர் கலந்து கொண்டன