வீதி முழுவதையும் மூடிய மண்மேடுகள்; போக்குவரத்து முற்றாகத் தடை கனமழை காரணமாக கம்பளை-நுவரெலியா பிரதான வீதியின் மார பகுதியில் பெருமளவிலான மண் குவியல் உடைந்து பிரதான வீதியில் விழுந்துள்ளதால், முழு வீதியும் மூடப்பட்டுள்ளது.கம்பளைக்கும் நுவரெலியாவிற்கும் இடையிலான பிரதான வீதி போக்குவரத்தே இவ்வாறு முற்றாகத் தடைப்பட்டுள்ளது.குறித்த பகுதி பிரதான சாலையில் பெரிய மண் மேடு விழுந்துள்ளதால் மின்சாரம் மற்றும் தொலைத்தொடர்பு கம்பங்கள் முற்றிலுமாக உடைந்து பிரதான சாலையில் விழுந்துள்ளது. இந்த மண்சரிவு காரணமாக, கம்பளையிலிருந்து கொழும்பு, மனுவர முதல் கண்டி வரையிலான நுவரெலியா பிரதான வீதியில் போக்குவரத்து முற்றாக பாதிக்கப்பட்டுள்ளது.பிரதான சாலை முற்றிலுமாக மூடப்பட்டிருந்தது. மேலும் சம்பவ இடத்தில் வாகனங்கள் முற்றிலுமாக நிறுத்தப்பட்டிருந்தன.அந்தப் பகுதியில்  மண் மேடுகள் சரிந்து, மரங்கள் முறிந்துள்ளன. மேலும் மின் கம்பங்கள் சரிந்ததால் மின்சாரம் இல்லாமல் சீர்குலைந்த நிலையில் உள்ளது.அதிகரித்த கனமழை மற்றும் காற்று உள்ளிட்ட சீரற்ற காலநிலையால் தற்போது நாடு முழுவதும் பல பாதிப்புக்கள் ஏற்பட்டு வருகின்றமை குறிப்பிடத்தக்கது.