அமெரிக்காவின் 5-வது கடற்படைத் தலைமையகம் பலத்த சேதம்-வானை முட்டும் கரும்புகை ஈரானின் இஸ்லாமியப் புரட்சிகரக் காவல் படை (IRGC) நடத்திய பாலிஸ்டிக் ஏவுகணைத் தாக்குதல்களுக்குப் பிறகு, பஹ்ரைனில் அமைந்துள்ள அமெரிக்காவின் மிக முக்கிய ராணுவக் கட்டமைப்பான 5-வது கடற்படைத் தலைமையகம் (US 5th Fleet Headquarters) அடர்த்தியான கரும்புகையால் சூழப்பட்டுள்ளதாகத் அதிர்ச்சித் தகவல்கள் வெளியாகியுள்ளன.பஹ்ரைனின் ஜுபைர் (Juffair) பகுதியில் அமைந்துள்ள இந்த அமெரிக்க 5-வது கடற்படைத் தலைமையகம் தான், ஒட்டுமொத்த வளைகுடா, ஓமான் வளைகுடா, செங்கடல் மற்றும் இந்தியப் பெருங்கடல் பகுதிகளின் அமெரிக்கக் கடல்சார் ராணுவ நடவடிக்கைகளைக் கட்டுப்படுத்தும் முதன்மை மையமாகும்.நள்ளிரவில் ஈரான் ஏவியபாலிஸ்டிக் ஏவுகணைகளில் பெரும்பாலானவற்றை அமெரிக்காவின் பேட்ரியாட் (Patriot) வான் பாதுகாப்பு அமைப்புகள் நடுவானில் சுட்டு வீழ்த்திய போதிலும், ஏவுகணைகளின் சிதறிய பாகங்கள் (Debris) அல்லது வான் பாதுகாப்புத் தடையை மீறிப் பாய்ந்த ஏவுகணையின் ஒரு பகுதி, கடற்படைத் தளத்தின் வளாகத்திற்குள் அல்லது அதன் மிக அருகில் விழுந்து வெடித்துள்ளதாகக் கூறப்படுகிறது.தாக்குதல் நடந்து சில மணி நேரங்களேயான நிலையில், அமெரிக்கக் கடற்படைத் தளம் அமைந்துள்ள பகுதியில் இருந்து அடர்த்தியான கரும்புகை (Thick Black Smoke) அசுர வேகத்தில் வானை நோக்கி எழும்பும் காட்சிகள் மற்றும் புகைப்படங்கள் சமூக ஊடகங்களான எக்ஸ் (X) மற்றும் வாட்ஸ்அப் தளங்களில் காட்டுத்தீயாய் பரவி வருகின்றன.