ரஷ்யாவை அதிர வைத்த உக்ரைன்-முக்கிய எண்ணெய் தளம் தரைமட்டம். உக்ரைன் மற்றும் ரஷ்யா இடையே போர்க்கள பதற்றம் நாளுக்கு நாள் அதிகரித்து வரும் வேளையில், ரஷ்யாவின் மிக முக்கிய இராஜதந்திர மற்றும் பொருளாதார மையமாகத் திகழும் கருங்கடல் துறைமுக நகரான நோவோரோசிஸ்க் (Novorossiysk) மீது உக்ரைன் இராணுவம் நூற்றுக்கணக்கான ஆளில்லா விமானங்களை (Drones) ஏவி ஒரு பிரம்மாண்ட கூட்டுத் தாக்குதலை (Swarm Attack) நடத்தியுள்ளது.ரஷ்யாவின் கட்டுப்பாட்டில் உள்ள கருங்கடலின் முக்கியப் பாதுகாப்பு அரணான நோவோரோசிஸ்க் நகரை நோக்கி, உக்ரைனியப் படைகளின் அதிநவீன தற்கொலைப்படை ட்ரோன் கூட்டங்கள் ஒரே நேரத்தில் வான்வழியாகப் பாய்ந்து சென்றன.ரஷ்யாவின் வான் பாதுகாப்பு அமைப்புகளையும் மீறிப் பாய்ந்த இந்த ட்ரோன்கள், அந்நகரின் இரண்டு முக்கிய இலக்குகளைத் துல்லியமாகத் தாக்கி அழித்துள்ளன.ரஷ்யாவின் கச்சா எண்ணெய் ஏற்றுமதிக்கு முதுகெலும்பாக விளங்கும் நோவோரோசிஸ்க் எண்ணெய் முனையம் இந்தத் தாக்குதலில் கடுமையாகச் சேதமடைந்துள்ளது.ட்ரோன்கள் மோதிய வேகத்தில் அங்கிருந்த ராட்சத எண்ணெய் சேமிப்புக் கிடங்குகள் பயங்கரச் சத்தத்துடன் வெடித்துச் சிதறி, வானுயரத்திற்குத் தீப்பிழம்புகள் எழும்பின.இதேபோல், ரஷ்ய கடற்படைக்கும் வணிகக் கப்பல்களுக்கும் முக்கியப் பாதையாக இருக்கும் அதன் பிரதான துறைமுகப் பகுதியும் இந்த ஆளில்லா விமானக் கூட்டத் தாக்குதலுக்கு உள்ளாகிப் பெரும் சேதத்தைச் சந்தித்துள்ளது.