இந்தியா தலைமையிலான முக்கிய கூட்டணியில் இணைந்த 16 நாடுகள். பிரேசில், நேபாளம், வங்கதேசம் மற்றும் மலேசியா உள்ளிட்ட 16 நாடுகள், இந்தியா தலைமையில் புதிதாக உருவாக்கப்பட்ட பெரிய பூனை கூட்டணியில் முறையாக இணைந்துள்ளதாக சுற்றுச்சூழல் அமைச்சக அதிகாரிகள் தெரிவித்தனர்.பிரதமர் நரேந்திர மோடி தலைமையிலான மத்திய அமைச்சரவை, இந்தியாவில் தலைமையகத்துடன் சர்வதேச பெரிய பூனை கூட்டணியை நிறுவுவதற்கு ஒப்புதல் அளித்தது.மேலும், இண்டர்நேஷனல் யூனியன் ஃபார் கன்சர்வேஷன் ஆஃப் நேச்சர் (IUCN) மற்றும் உலக வனவிலங்கு நிதியம் (WWF) இன்டர்நேஷனல் உட்பட ஒன்பது சர்வதேச நிறுவனங்கள் சர்வதேச பெரிய பூனை கூட்டணியில் சேர ஒப்புதல் அளித்துள்ளன.இந்த கூட்டணி ‘பிக் கேட் இராஜதந்திரத்தை’ தொடங்குவதையும் பசுமைப் பொருளாதாரத்தை மேம்படுத்துவதையும் நோக்கமாகக் கொண்டுள்ளது.2023-24 முதல் 2027-28 வரையிலான ஐந்து ஆண்டுகளுக்கு ₹ 150 கோடி ஒருமுறை பட்ஜெட் ஆதரவை இந்தியா அறிவித்துள்ளது.சுற்றுச்சூழல் துறை அமைச்சர் பூபேந்தர் யாதவ், இதுவரை 16 நாடுகள் ஐபிசி ஏவில் இணைய ஒப்புக்கொண்டுள்ளதாக உறுதிப்படுத்தினார்.அத்துடன் ஆர்மீனியா, வங்கதேசம், பூடான், பிரேசில், கம்போடியா, எகிப்து, எத்தியோப்பியா, ஈக்வடார், கென்யா, மலேசியா, மங்கோலியா, நேபாளம், நைஜீரியா, பெரு, சுரினாம் மற்றும் உகாண்டா ஆகிய 16 கூட்டணி உறுப்பு நாடுகள் இணைந்துள்ளன.