சீன - இலங்கை நட்பை சீர்குலைப்பதற்கு சதிவலை பின்னப்படுகின்றது - சீனத் தூதுவர் இலங்கையில் புதிய முதலீடுகளை மேற்கொள்வதற்கான வாய்ப்புகளை ஆராயும் நோக்கில் சீன அரசாங்கத்தின் பிரதிநிதிகள் குழுவொன்று இலங்கைக்கு விஜயம் செய்யவுள்ளதாக இலங்கைக்கான சீனத் தூதுவர் Qi Zhenhong தெரிவித்துள்ளார். அதற்கான நடவடிக்கைகள் எதிர்வரும் மாதத்தில் இடம்பெறும் என அவர் சுட்டிக்காட்டியுள்ளார். நமது நட்பை சீர்குலைப்பதற்கு சில வெளிப்புற காரணிகள் இருக்கலாம், ஆனால் அவை நம் நட்பை சேதப்படுத்தாது என்று நான் நினைக்கிறேன். சீன அரசும் அதன் பிற நிறுவனங்களும் கைகொடுக்க தயாராக உள்ளன. இலங்கை, சீன அரசாங்கம் உள்ளூர் அரசாங்கங்களுடன் இங்கே உள்ளது மற்றும் நிறுவனங்கள் இலங்கையில் புதிய முதலீடுகளை ஆய்வு செய்ய வர தயாராக உள்ளன. சீனா இலங்கை நேரடி விமானங்களும் இந்த ஆண்டு ஏப்ரல் மற்றும் மே மாதத்திற்குள் இரட்டிப்பாகும்.இதேவேளை, சீனாவில் இருந்து நன்கொடையாக பெறப்பட்ட மருந்துத் தொகுதி ஒன்று சுகாதார அமைச்சிடம் நேற்று கையளிக்கப்பட்டது. மஹரகம ஆஸ்திகா வைத்தியசாலை மற்றும் கொழும்பு லேடி ரிட்ஜ்வே சிறுவர் வைத்தியசாலைக்கு தேவையான மருந்துப் பொருட்கள் இவ்வாறு வழங்கப்பட்டிருந்ததுடன் அவற்றின் பெறுமதி 04 மில்லியன் ரூபாவாகும்.