தேர்தல் ஆணைக்குழுவினால் யாழில் முன்னெடுக்கப்படவுள்ள விழிப்புணர்வு வேலைத்திட்டம்  தேர்தல் ஆணைக்குழுவினால் சர்வதேச ஜனநாயக தினத்தையொட்டி தேர்தல் ஆணைக்குழுவின் சேவைகளை திணைக்களங்கள்/ பாடசாலைகள் மத்தியில் அறிமுகப்படுத்தும் விழிப்புணர்வு நிகழ்ச்சித்திட்டம் மேற்கொள்ளப்பட்டு வருகின்றது.அந்தவகையில் யாழ். மாவட்டத்தில் நெடுந்தீவு பிரதேசத்திற்குட்பட்ட பாடசாலைகளில் கல்வி கற்கும் 16 வயதிற்கு மேற்பட்ட மாணவர்கள் மற்றும் நெடுந்தீவு பிரதேசத்திற்குட்பட்ட ஒவ்வொரு கிராம அலுவலர் பிரிவுகளிலிருந்தும் தெரிவு செய்யப்பட்ட இளைஞர்/ யுவதிகளுக்கான E Services தொடர்பான விழிப்புணர்வு நிகழ்ச்சித் திட்டத்தினை நடாத்துவதற்கு தேர்தல்கள் ஆணையாளர் நாயகத்தால் விசேடமாகத் தீர்மானிக்கப்பட்டுள்ளது.2025.09.16 ஆம் திகதி மு.ப 9.30 தொடக்கம் மு.ப 11.15 வரை பாடசாலைகளில் கல்வி கற்கும் 16 வயதிற்கு மேற்பட்ட மாணவர்களுக்கான நிகழ்வானது யா/நெடுந்தீவு மகாவித்தியாலயத்திலும், 11.30 தொடக்கம் 12.45 வரை ஒவ்வொரு கிராம அலுவலர் பிரிவுகளிலிருந்தும் தெரிவு செய்யப்பட்ட இளைஞர்/யுவதிகளுக்கான நிகழ்வானது நெடுந்தீவு பிரதேச செயலகத்திலும் நடைபெற உள்ளது.