ஈரான் அடித்த மரண அடி ;இஸ்ரேலில் திடீரென அலறிய சைரன்கள்- சுக்குநூறான இஸ்ரேலிய போர் அமைச்சகம் ஈரான் மீதான ராக்கெட் தாக்குதலை தொடர்ந்து இஸ்ரேல் தற்போது தீவிரமான ஏவுகணைத் தாக்குதலை எதிர்கொண்டுள்ளது.ஈரான் நாட்டிலிருந்து பல ஏவுகணைகள் ஏவப்பட்டதை இஸ்ரேலிய ராணுவம் உறுதிப்படுத்தியுள்ளது. எதிர்வரும் அச்சுறுத்தல்களை இடைமறிக்க இஸ்ரேலின் பாதுகாப்பு அமைப்புகள் தீவிரமாகச் செயல்பட்டு வருகின்றன.இஸ்ரேல் பாதுகாப்புப் படைகள் (IDF) "டஜன் கணக்கான ஏவுகணைகள்" ஏவப்பட்டுள்ளதாகத் தெரிவித்துள்ளன.இதன் விளைவாக, டெல் அவிவ் பகுதியைச் சேர்ந்த மக்கள் பலத்த வெடிப்புச் சத்தங்களைக் கேட்பதாகத் தெரிவித்துள்ளனர்.இந்த வெடிப்புகள், இஸ்ரேலின் பாதுகாப்பு அமைப்புகளின் வெற்றிகரமான இடைமறிப்புகளாலோ அல்லது ஏவுகணைகள் தரையில் விழுந்ததாலோ ஏற்பட்டிருக்கலாம் என IDF கூறியுள்ளது.இஸ்ரேலின் தேசிய அவசரகால மருத்துவ சேவையான மாகன் டேவிட் அடோம் (Magen David Adom), ஈரானிய தாக்குதலில் பெண் ஒருவர் உயிரிழந்துள்ளதோடு 7 நபர்கள் காயமடைந்துள்ளதை உறுதிப்படுத்தியுள்ளது. இதற்கிடையே, ஈரானிய ஏவுகணை போர் அமைச்சகத்தைத் தாக்கியதாக சியோனிஸ்டுகள் கூறுகின்றனர். இஸ்ரேலிய ஆட்சியின் சேனல் 13, ஈரானிய ஏவுகணை போர் அமைச்சகத்தைத் தாக்கியதாக அறிவித்தது. இஸ்ரேலிய பாதுகாப்புப் படைகள் தற்போதைய அச்சுறுத்தலைத் தொடர்ந்து கையாண்டு வருவதால், நிலைமை தொடர்ந்து மாறிக்கொண்டே இருப்பது குறிப்பிடத்தக்கது.இஸ்ரேலால் ஏவப்பட்ட இரண்டு இஸ்ரேலிய F-35 போர் விமானங்களையும், அவர்களின் ஏராளமான மைக்ரோ ஏர் வாகனங்களையும் ஈரான் இஸ்லாமியக் குடியரசின் இராணுவத்தின் வான் பாதுகாப்புப் படை, வெற்றிகரமாகச் சுட்டு வீழ்த்தி அழித்தது.இஸ்ரேல்  தாக்குதல்கு ஈரான் பதிலடி கொடுத்து வரும் நிலையில், திடீரென ஏமனில் இருந்தும் இஸ்ரேலை நோக்கி ஏவுகணைகளைப் பாய்ந்துள்ளன. இதனால் ஜெருசலேம் பகுதியில் சைரன்கள் அலறிய நிலையில், அங்கு பதற்றம் அதிகரித்துள்ளது. ஒரு பக்கம் ஈரானில் இருந்து டிரோன்கள் பாயும் நிலையில், மறுபுறம் ஏமனில் இருந்தும் தாக்குதல் நடப்பதாகத் தகவல் வெளியாகியுள்ளது.ஏமனில் இருந்து பாலிஸ்டிக் ஏவுகணை ஏவப்பட்டுள்ளது. இஸ்ரேலைத் தாக்கும் வகையில் இந்த ஏவுகணைகள் ஏவப்பட்டதாகத் தெரிகிறது. இதன் காரணமாக ஜெருசலேம் பகுதியிலும் தெற்கு மேற்குக் கரை சைரன்கள் ஒலித்தன. திடீரென சைரன்கள் ஒலித்ததால் மக்கள் பாதுகாப்பான இடங்களுக்கு ஓடி தஞ்சம் புகுந்தனர். இதனால் அங்கு ஒரு போர் சூழல் ஏற்பட்டுள்ளது.தனது நாட்டின் மீது தாக்குதல் நடத்த முயற்சிகள் நடப்பதாகவே இஸ்ரேல் கூறியிருக்கிறது. தனது நாட்டின் மத்திய பகுதிகளில் உள்ள நகரங்களைக் குறிவைத்துத் தாக்குதல் நடத்தப்படுவதாக இஸ்ரேல் கூறியுள்ளது. அதேநேரம் ஏவுகணைகளைச் சுட்டு வீழ்த்தும் முயற்சியில் ஈடுபட்டுள்ளதாக இஸ்ரேல் ராணுவம் கூறியுள்ளது.