போதைப்பொருள் கடத்தல்காரர் 'போடி லஸ்ஸி'சர்வதேச பொலிசாரால் கைது போதைப்பொருள் கடத்தல்காரர் மற்றும் ஒழுங்கமைக்கப்பட்ட குற்றவாளியாகக் கருதப்படும் ஜனித் மதுசங்க என்ற போடி லஸ்ஸி, இந்தியாவின் மும்பையில் கைது செய்யப்பட்டுள்ளார். இவர் சர்வதேச பொலிஸ்சாரால் கைது செய்யப்பட்டுள்ளதுடன் இது தொடர்பாக இலங்கைக்கு அறிவிக்கப்பட்டுள்ளதாகவும் பொலிஸ் தலைமையக வட்டாரங்கள் தெரிவிக்கின்றன.சமீபத்தில், நீதிமன்றத்தால் பிணை வழங்கப்பட்ட போடி லஸ்ஸி நாட்டை விட்டு தப்பிச் சென்றுவிட்டதாக சமூக ஊடகங்கள் செய்தி வெளியிட்டிருந்தன. .போடி லாசிக்கு பிணை வழங்கப்பட்டதாகவும், ஆனால் அடுத்த நீதிமன்ற திகதி வரை வெளிநாடு செல்ல தடை விதிக்கப்பட்டதாகவும் போலீசார் தெரிவித்தனர்.சந்தேக நபர் பிணை நிபந்தனைகளை மீறி சட்டவிரோதமாக நாட்டை விட்டு தப்பிச் சென்று இந்தியாவில் தங்கியிருப்பது விசாரணையில் தெரியவந்துள்ளமையும் குறிப்பிடத்தக்கது.