இளம் பெண்களின் கண்களை நோக்கி துப்பாக்கிச் சூடு : பாதுகாப்பு படையின் இரக்கமற்ற செயல் ஈரான் பாதுகாப்பு படையினர் எதிர்ப்பாளர்களின் தலை மற்றும் முகத்தில் சுடுகின்றனர், இது கணிசமான எண்ணிக்கையிலான இளம் பெண்கள் உட்பட பலரை  பார்வையற்றவர்களாக மாறுகிறது என்று நோர்வேயை தளமாகக் கொண்ட ஈரான் மனித உரிமைகள் வெள்ளிக்கிழமை தெரிவித்தன.இஸ்ஃபஹான் நகரைச் சேர்ந்த ஆறு வயதுடைய பொனிடா கியானி ஃபலவர்ஜனி, காயமுற்றவராவார் அவரது தாத்தா வீட்டின் பால்கனியில் நிற்கும் போது ஒரு கண்ணில் சுடப்பட்டு குருடாக்கப்பட்டார்.நோர்வேயை தளமாகக் கொண்ட குழு கூறுகையில், ஆரம்ப தரவுகளின் படி அத்தகைய காயங்களுக்கு ஆளானவர்களில் இளம் பெண்கள் விகிதாசாரமாக பிரதிநிதித்துவம் செய்வதாக சுட்டிக்காட்டுகின்றன.IHR இயக்குனர் மஹ்மூத் அமிரி மொகத்தம் கூறுகையில் எங்களிடம் இன்னும் போதுமான தரவு இல்லை, ஆனால் கண்களை இலக்காகக் கொண்டவர்களில் இளம் பெண்கள் அதிகமாக பிரதிநிதித்துவப்படுத்தப்படுகிறார்கள் என்ற எண்ணம் எனக்கு உள்ளது.பாதுகாப்புப் படையினரின் துப்பாக்கிச் சூட்டின் விளைவாக ஒரு கண்ணில் பார்வை இழந்தவர்களின் 22 வழக்குகள் ஆவணப்படுத்தப்பட்டுள்ளதாக IHR கூறியது, அவர்களில் ஒன்பது பேர் பெண்கள்.இந்த மனிதாபிமானமற்ற மற்றும் சட்டவிரோதமான செயல் எதிர்ப்புகளை நசுக்க திட்டமிட்ட முறையில் நடத்தப்பட்டது என்று அது கூறியது.