வளிமண்டலவியல் திணைக்களத்தின் முக்கிய அறிவிப்பு. கிழக்கு மற்றும் ஊவா மாகாணங்களில் பல தடவைகள் இன்று (12) மழை பெய்யும் என வளிமண்டலவியல் திணைக்களம் அறிவித்துள்ளது.அதேவேளை, மேல் மற்றும் சப்ரகமுவ மாகாணங்களிலும் நுவரெலியா, காலி மற்றும் மாத்தறை மாவட்டங்களிலும் பல இடங்களில் பிற்பகல் 2.00 மணிக்குப் பின்னர் மழை அல்லது இடியுடன் கூடிய மழை பெய்யும்.மத்திய மலைநாட்டின் கிழக்கு சரிவுகளிலும் வடக்கு, வடமத்திய, தெற்கு, வடமேற்கு, ஊவா மற்றும் கிழக்கு மாகாணங்களிலும் அவ்வப்போது மணித்தியாலத்துக்கு (30-40) கிலோமீற்றர் வேகத்தில் ஓரளவு பலத்த காற்று வீசக்கூடும்.மேற்கு மற்றும் சப்ரகமுவ மாகாணங்களிலும் காலி மற்றும் மாத்தறை மாவட்டங்களிலும் சில இடங்களில் காலை வேளையில் பனிமூட்டமான நிலை  எதிர்பார்க்கப்படலாம் என தெரிவிக்கப்படுகிறது.