மத்திய கிழக்கில் அதிகரிக்கும் போர் பதற்றம்-எரிபொருள் விலை ,விமான சேவையில் ஏற்பட்ட சிக்கல் ஜெட் எரிபொருள் விலை கடுமையாக உயர்ந்துள்ளதால் ஏர் நியூசிலாந்து நிறுவனம் தனது விமான சேவைகளை சுமார் 5% குறைக்க முடிவு செய்துள்ளது. இது மே மாத தொடக்கத்தில் அமலுக்கு வரும் என்று நிறுவனம் அறிவித்துள்ளது.இந்த நடவடிக்கையின் காரணமாக சுமார் 1,100 விமான சேவைகள் குறைக்கப்படவுள்ளன.இந்த எரிபொருள் விலை உயர்வுக்கு முக்கிய காரணமாக ஈரான் தொடர்பான மத்திய கிழக்கு போர் பதற்றம் குறிப்பிடப்படுகிறது. அந்த மோதலால் உலகளாவிய எரிபொருள் விநியோகம் பாதிக்கப்பட்டு, ஜெட் எரிபொருள் விலைகள் திடீரென அதிகரித்துள்ளதாக விமானத் துறை கூறுகிறது.ஏர் நியூசிலாந்து தலைமை நிர்வாக அதிகாரி நிகில் ரவிசங்கர தெரிவிக்கையில், மே மாத தொடக்கத்தில் பறக்கவிருந்த 1.9 மில்லியன் பயணிகளில் சுமார் 44,000 பயணிகள் இந்த விமான சேவை குறைப்புகளால் பாதிக்கப்படலாம். அவர்களுக்கு மாற்று விமானங்களில் இடமளிக்க வேண்டியிருக்கும் என்றும் கூறினார்.இந்த நடவடிக்கை உலகளாவிய விமானத் துறையில் உருவாகியுள்ள பெரிய நெருக்கடியை பிரதிபலிக்கிறது. ஏற்கனவே  குவாண்டாஸ் ஏர்வேஸ், ஸ்காண்டிநேவியன் ஏர்லைன்ஸ்  மற்றும் தாய் ஏர்வேஸ் போன்ற பல விமான நிறுவனங்களும் கட்டண உயர்வை அறிவித்துள்ளன.மேலும், சமீபத்தில் Dubai (துபாய்) நகரின் முக்கிய விமான நிலையத்திற்கு அருகே ட்ரோன்கள் விழுந்த சம்பவம் மற்றும் வளைகுடா பிராந்தியத்தில் நடந்த தாக்குதல்கள் விமானப் போக்குவரத்துக்கு கூடுதல் அச்சத்தை ஏற்படுத்தியுள்ளது.இதற்கிடையில், Cathay Pacific (கேத்தே பசிபிக்) நிறுவனம் London (லண்டன்) மற்றும் Zurich (சூரிச்) போன்ற நகரங்களுக்கு கூடுதல் சேவைகளை அறிவித்துள்ளது.அதே நேரத்தில், Vietnam (வியட்நாம்) அரசு அடுத்த மாதம் உள்நாட்டு விமான நிறுவனங்களுக்கு எரிபொருள் பற்றாக்குறை ஏற்படக்கூடும் என்று எச்சரித்துள்ளது.மொத்தத்தில், மத்திய கிழக்கில் நடைபெறும் மோதல்கள் உலகளாவிய விமானத் துறை, எண்ணெய் சந்தை மற்றும் சர்வதேச பயணத் துறைகளில் பெரிய தாக்கத்தை ஏற்படுத்தி வருகின்றன.