இலங்கையின் மின்சார முச்சக்கரவண்டிகளை உற்பத்தி செய்யும் தொழிற்சாலை திறப்பு இலங்கையில் முதன் முறையாக மின்சார முச்சக்கரவண்டிகளை உற்பத்தி செய்யும் முழுமையான தொழிற்சாலை மருதானை புகையிரத திணைக்கள களஞ்சியசாலை வளாகத்தில் திறக்கப்படவுள்ளது.குறித்த தொழிற்சாலையானது, வேகா இன்ஜினியரிங் நிறுவனத்தினால் மருதானை புகையிரத களஞ்சிய வளாகத்தில்  போக்குவரத்து, நெடுஞ்சாலைகள் மற்றும் வெகுஜன ஊடக அமைச்சர் கலாநிதி பந்துல குணவர்தன தலைமையில் திறந்து வைக்கப்பட்டது.இந்நாட்டிலேயே முழுமையாக உற்பத்தி செய்யப்படும் Vega நிறுவனத்தின் ELEKTRATEQ முச்சக்கர வண்டியின் முழு உற்பத்தி செயல்முறையும் இந்த உற்பத்தி தொழிற்சாலை வளாகத்திலேயே மேற்கொள்ளப்படுகிறது.இந்த தொழிற்சாலையில் தானியங்கி ஷீட் கட்டிங் மற்றும் மடிப்பு இயந்திரங்கள், பேட்டரி தயாரிக்கும் இயந்திரங்கள் உள்ளிட்ட ஏராளமான தொழில்நுட்ப சாதனங்கள், நவீன தொழில்நுட்பத்தின் கீழ் செயல்படுகின்றன.அத்துடன்  இது தவிர பெட்ரோலில் இயங்கும் முச்சக்கர வண்டியை இரண்டு மணி நேரத்திற்குள் மின்சாரமாக மாற்றுவதற்குத் தேவையான அனைத்து வசதிகளும் இந்தத் தொழிற்சாலையில் உள்ளன.இப்போதும் தனியார் நிதி நிறுவனத்துடன் இணைந்து ஒரு மாதத்தில் நூறு முச்சக்கர வண்டிகளை மின்சாரமாக மாற்றும் திட்டம் இத்தொழிற்சாலையில் செயல்படுத்தப்பட்டு வருகிறது.மகும்புர பல்தொழில்நுட்ப போக்குவரத்து நிலையத்துடன் தொடர்புடைய பதிவு செய்யப்பட்ட முச்சக்கர வண்டிகளை மின்சாரமாக மாற்றுவதற்கு தேவையான ஏற்பாடுகளை மேற்கொள்ளுமாறும் அமைச்சர் கலாநிதி பந்துல குணவர்தன அதிகாரிகளுக்கு பணிப்புரை விடுத்தார்.தொழிற்சாலையின் உற்பத்தித் திறனை மேலும் விரிவுபடுத்தும் வகையில், தொழிற்சாலையில் மின்சாரமாக மாற்றப்பட்ட முச்சக்கர வண்டிகளை பதிவு செய்வதற்கு மோட்டார் போக்குவரத்து ஆணையாளர் திணைக்கள அதிகாரி ஒருவரை நியமிக்க நடவடிக்கை எடுக்குமாறு மோட்டார் போக்குவரத்து ஆணையாளர் திணைக்கள ஆணையாளருக்கு அமைச்சர் பணிப்புரை விடுத்தார். வளாகம் மற்றும் பிற சட்ட விஷயங்கள் ஆலோசனை வழங்கினர்.இலங்கை முழுவதும் மின்சார முச்சக்கரவண்டிகளை அடையாளம் காண இலக்கத் தகடுக்கு விசேட நிறமொன்றை வழங்குவதற்கும் சுற்றுச்சூழலுக்கு பாதிப்பில்லாத ஒவ்வொரு மின்சார முச்சக்கரவண்டிக்கும் ஒரே நிறத்தில் வர்ணம் பூசும் வேலைத்திட்டத்திற்கும் நடவடிக்கை எடுக்குமாறும் அமைச்சர் ஆலோசனை வழங்கினார்.போக்குவரத்து மற்றும் நெடுஞ்சாலைகள் அமைச்சின் செயலாளர் திரு.ரஞ்சித் ரூபசிங்க, வேகா பொறியியல் நிறுவனத்தின் தலைவர் கலாநிதி ஹர்ஷ சுபசிங்க, ரயில்வே பொது முகாமையாளர் எச். எம். கே. டபிள்யூ. பண்டார, மோட்டார் போக்குவரத்து ஆணையாளர் திரு.நிஷாந்த அனுருத்த வீரசிங்க மற்றும் அதிகாரிகள் குழுவினர் இந்நிகழ்வில் கலந்துகொண்டனர்.