ஆலயங்களில் உண்மையான பக்தி இல்லாததால் நீதிமன்றங்களின் படியேறியுள்ளன. வடக்கு மாகாண ஆளுநர் நா.வேதநாயகன் வேதனை அன்னை சிவத்தமிழ் செல்வி பண்டிதை கலாநிதி தங்கம்மா அப்பாக்குட்டி அவர்களின் நூற்றாண்டு விழா இன்று செவ்வாய்க்கிழமை காலை (07.01.2025) இடம்பெற்றது.மல்லாகத்திலிருந்து அவரின் திருவுருவப்படம் தாங்கிய ஊர்த்திப் பவனி தெல்லிப்பழை துர்க்கை அம்மன் கோவிலை வந்தடைந்தது. ஆலய வழிபாட்டைத் தொடர்ந்து மண்டப நிகழ்வுகள் இடம்பெற்றன. இதில் பிரதம விருந்தினராகக் கலந்துகொண்ட ஆளுநர்இ 1993ஆம் ஆண்டு காலப் பகுதியில் தெல்லிப்பழை பிரதேச செயலக உதவி அரசாங்க அதிபராக இருந்தமையை நினைவுகூர்ந்து அன்றைய நாட்களில் அம்மையாருடன் நெருங்கிப்பழகும் வாய்ப்புக் கிடைத்ததாகக் குறிப்பிட்டார்.போர் மற்றும் இடப்பெயர்வுகளின் போதும் அம்மையார் சமூகப் பணிகளை திறம்பட முன்னெடுத்தமையைச் சுட்டிக்காட்டினார்.அன்றைய காலத்தில் ஆலயங்கள் சமூகப் பணிகளை முன்னெடுக்காதிருந்த சூழலில்இ அம்மையார் அவர்களே அதனைத் தொடக்கி அதன் முன்னோடியாக இருந்ததார் என ஆளுநர் புகழாரம் சூட்டினார். இன்று ஆலயங்களில் உண்மையான கடவுள் பக்தி இல்லை என வேதனை வெளியிட்ட ஆளுநர் இதனால் பல ஆலயங்கள் நீதிமன்றப்படியேறியுள்ளன எனக் குறிப்பிட்டார்.புலம்பெயர் தேசங்களிலிருந்து ஆலயங்களுக்கு நிதி உதவி வழங்கப்பட்டாலும் ஆலய நிர்வாகங்கள் ஒழுங்காக கணக்கறிக்கைகள் முன்வைப்பதில்லை எனவும் இது பிரச்சினைகளுக்கு அடிநாதமாக இருக்கின்றது என்றும் மேலும் சுட்டிக்காட்டினார்.தனது காலத்தின் பின்னரும் இந்த அறப்பணிகள் தொடர்ந்தும் தடையுறாது முன்னெடுத்துச் செல்வதற்கு பொருத்தமான ஒருவரான கலாநிதி ஆறுதிருமுருகனை அம்மையார் வளர்த்து அடையாளம் காட்டியதாகக் குறிப்பிட்ட ஆளுநர்இ அவரின் சேவைகளைப் பாராட்டினார். காய்க்கின்ற மரம் கல்லெறி படுவதைப்போல அவர் மீதும் பலர் விமர்சனங்களையும் குறைகளையும் முன்வைக்கின்றனரே தவிர அவர் செய்யும் சேவைகளைப் பாராட்ட முன்வருவதில்லை என கவலை வெளியிட்டார். எமது சமூகத்தில் இந்த விடயம் இப்போது ஆழமாக வேரூன்றி விட்டதாகக் குறிப்பிட்ட ஆளுநர் ஆறுதிருமுருகன் மீதான நம்பிக்கையிலேயே புலம்பெயர் தேசத்திலிருப்பவர்களும் இங்கிருப்பவர்களும் அவர் ஊடாக உதவிகளைச் செய்ய முன்வருகின்றனர் எனத் தெரிவித்தார். இந்தச் சமூகப் பணிகள் எமது மக்களுக்கு மிக அவசியமானவை எனக்குகுறிப்பிட்ட அவர் இதைத் தொடர வேண்டும் என்றும் வாழ்த்தினார்.இந்த நிகழ்வுக்கு செஞ்சொற்செல்வர் கலாநிதி ஆறுதிருமுருகன் தலைமை தாங்கினார். நிகழ்வில் தெல்லிப்பழை பிரதேச செயலர், யாழ்ப்பாணப் பல்கலைக்கழக முன்னாள் துணைவேந்தர், வாழ்நாள் பேராசிரியர் பொன்.பாலசுந்தரம்பிள்ளை ஆகியோரும் இந்து மதக் குருக்கள், மக்கள் எனப் பலர் பங்கேற்றனர்.