துவாலு நாட்டில் இருந்து பாரிஸுக்குச் செல்லும் ஒரே ஒரு வீரர் துவாலு எனும் நாட்டில் இருந்து 25 வயதான   கராலோ மைபுகா  எனும் ஒரே ஒரு வீரர் பாரிஸ்   ஒலிம்பிக் போட்டிகளில் ஆடவருக்கான 100 மீற்ற‌ர் ஓட்டத்தில் போட்டியிடுவார்.டோக்கியோ  ஒலிம்பிக்கில்  போது கொடி ஏந்திச் சென்ற   அவர் தனது நாட்டிலிருந்து ஒரே பிரதிநிதியாக பிரான்ஸ்  தலைநகரில் மீண்டும் ஒரு முறை கொடி   ஏந்திச் செல்வார்.ஏறத்தாழ 11,000 மக்கள்தொகை கொண்ட துவாலு, தாழ்வான தீவுகள் மற்றும் குறுகிய பவளப்பாறைகளைக் கொண்ட நாடாகும்.  அவற்றில் சில சில நூறு மீட்டர்கள் மட்டுமே அகலம் கொண்டவை. குறைந்த இடவசதி காரணமாக, துவாலுவில் சரியான தடகளப் பாதை இல்லை.துவாலு முதலில் 2008 பீஜிங் ஒலிம்பிக்கில் பங்கேற்றது. அதன்பிறகு, தடகளம் ,ப‌ளுதூக்குதல் போட்டிகளில் பங்கேற்க மொத்தம் ஆறு தடகள வீரர்களை நாடு அனுப்பியுள்ளது, ஆனால் இதுவரை பதக்கம் வெல்லவில்லை. தடகளப் பாதை இல்லாததால், அவர்களின் சிறந்த விளையாட்டு வீரர்கள் ஒலிம்பிக் போட்டிக்கான பயிற்சி மற்றும் அபிலாஷைகளைத் தொடர வெளிநாடுகளுக்குச் செல்கிறார்கள். மைபுகா, தற்போது பிஜியில் படித்து பயிற்சி பெற்று வருகிறார்.