Amazon college கல்வி நிறுவனம் Amazon Campus ஆக தரமுயர்வு.samugammedia கொழும்பு 4 இல் அமைந்துள்ள Amazon College உயர்கல்வி நிறுவனம் கடந்த 18 டிசம்பர் 2023 அன்று பண்டாரநாயக்க சர்வதேச மாநாட்டு மண்டபத்தில் நடைபெற்ற வருடாந்த பட்டமளிப்பு விழாவில் Amazon Campus ஆக கல்வி ராஜாங்க அமைச்சரினால் தரம் உயர்த்தப்பட்டுள்ளது. இந்நிகழ்வில் 120 Diploma மாணவர்கள் 50 HND மாணவர்கள் 150 பட்டதாரி மாணவர்கள் மற்றும் முதுமாணி மாணவர்கள் விருதுகளை பெற்றனர்.இந்நிகழ்ச்சிக்கு பிரதம அதிதியாக  கல்வி ராஜாங்க அமைச்சர்  அரவிந்தகுமார்  பிரதி மாலைதீவுகள் மற்றும் மலேசியா ஆகிய நாடுகளின் இலங்கை உயரஸ்தானியர்களும் விசேட அதிதிகளாக கலந்து சிறப்பித்தனர்.இலங்கையின் தேசிய பல்கலைக்கழகங்களில் இருந்தும் சுமார் ஐந்து பேராசிரியர்கள் மாணவர்களுக்கு பட்டங்களை வழங்கி வைப்பதற்காக வருகை தந்தனர்.இதன் போது தேசிய சிறுவர் பாதுகாப்பு ஆணையத்தின் தலைவர் சானக உதயக்குமார அமரசிங்க விசேட சொற்பொழிவு ஒன்றை நிகழ்த்தினார்.மேலும் குறித்த நிகழ்வின் போது கல்லூரியின் 35 விரிவுரையாளர்கள் 20 ஊழியர்களும் இணைந்து நிகழ்ச்சியை ஏற்பாடு செய்தனர். சிறந்த விரிவுரையாளர்களுக்கான விருதுகளும் சிறந்த இணை நிறுவனத்திற்கான விருதுகளும் இந்நிகழ்வில் வழங்கப்பட்டது.அத்துடன்  மாணவர்கள் பெற்றோர்கள் ஆகியோர் உட்பட 1000 க்கும் அதிகமானோர் இந்நிகழ்ச்சியை அலங்கரித்துள்ளதாக  அமேசான் கல்லூரியின் பணிப்பாளர் இல்ஹாம் மரிக்கார் தெரிவித்தார்.