யாழில் பேருந்தில் பயணித்த முதியவர் பரிதாப மரணம். யாழில் பேருந்தில் பயணித்த முதியவர் ஒருவர் திடீரென உயிரிழந்துள்ளார்.சுழிபுரம் பகுதியைச் சேர்ந்த 71 வயதான முதியவரே இவ்வாறு உயிரிழந்துள்ளார்.இச் சம்பவம் தொடர்பில் மேலும் தெரியவருவதாவது,குறித்த நபர் இன்று காலை 10.30 மணி அளவில் 782 வழித்தட பேருந்தில், சுழிபுரத்தில் இருந்து யாழ்ப்பாணம் நோக்கி பயணத்தை மேற்கொண்டார். இதன்போது அவருக்கு இடைவழியில் வாயில் இருந்து நுரை வெளிவந்தது. பின்னர் தனியார் வைத்தியசாலைக்கு கொண்டு செல்லப்பட்டு, அங்கிருந்து யாழ்ப்பாணம் போதனா வைத்தியசாலைக்கு கொண்டு செல்லப்பட்டார். இருப்பினும் அவர் உயிரிழந்து விட்டதாக மருத்துவர்கள் தெரிவித்தனர்.சடலம் மீதான மரண விசாரணைகளை திடீர் மரண விசாரணை அதிகாரி ஆ.ஜெயபாலசிங்கம் மேற்கொண்டார். மாரடைப்பு காரணமாகவே குறித்த மரணம் சம்பவித்துள்ளதாக பிரேத பரிசோதனை அறிக்கையில் தெரிவிக்கப்பட்டுள்ளது.