திருமலையில் தரம் 1க்கு மாணவர்களை வரவேற்கும் நிகழ்வு. திருகோணமலையில் 200 வருடங்கள் பழமை வாய்ந்த  விக்னேஸ்வரா மகா வித்தியாலயத்தில் தரம் 1 க்கு மாணவர்களை வரவேற்கும் நிகழ்வும் கற்றல் உபகரணங்கள் வழங்கும் நிகழ்வும் இன்று (30) நடைபெற்றது.பாடசாலை முதல்வர் திருமதி.சனில்குமார் தலைமையில் இந்நிகழ்வு இடம்பெற்றது.இதன்போது 1ஆம் தர மாணவர்கள் மாலைகள் ஆணிவிக்கப்பட்டு வரவேற்கப்பட்டனர்.இந்த நிகழ்வில் கலந்து கொண்ட 2013 ஆண்டு கல்வி கற்ற முன்னாள் மாணவர்கள் சார்பில் முன்னாள் மாணவர் சங்க துணைச் செயலாளர் இராஜேந்திரன் தயாளன், உதயகுமார் அஜித் குமார், மனோஜன் ஆகியோரால் இலவசப் புத்தகப் பைகள் மாணவர்களுக்கு வழங்கி வைக்கப்பட்டது.இதில் பாடசாலை ஆசிரியர்கள், மாணவர்களது பெற்றோர், பாடசாலை அபிவிருத்திச் சங்கம், முன்னாள் மாணவர் சங்கம் என அனைவரும் பங்குபற்றியிருந்தமை குறிப்பிடத்தக்கது.