ஹஷிஷ் போதைப்பொருளுடன் கனேடிய பெண் கைது ஹஷிஷ் போதைப்பொருளை இலங்கைக்கு  கடத்த முயன்றதற்காக 37 வயதான கனேடிய பெண் ஒருவர்  பண்டாரநாயக்க சர்வதேச விமான நிலையத்தில் இன்று அதிகாலை கைது செய்யப்பட்டார்.கனடாவிலிருந்து தோஹா வழியாக வந்த விமானத்தில் சந்தேக நபர் இன்று அதிகாலை  பண்டாரநாயக்க விமான நிலையத்தை வந்தடைந்தார். வழக்கமான சோதனையின் போது, சுங்க அதிகாரிகள் அவரது பொருள்களை சோதனை செய்தபோது, உள்ளே மறைத்து வைக்கப்பட்டிருந்த 18.1 கிலோகிராம் ஹஷிஷ் கண்டுபிடிக்கப்பட்டது.இலங்கை சுங்கத் துறையின்படி, பறிமுதல் செய்யப்பட்ட போதைப்பொருட்களின்  மதிப்பு சுமார் 181 மில்லியன் ரூபா  என மதிப்பிடப்பட்டுள்ளது.சுங்க ஊடகப் பேச்சாளரும் கூடுதல் இயக்குநர் ஜெனரலுமான சீவலி அருகோட, முதற்கட்ட விசாரணைகள் நடைபெற்று வருவதாகக் கூறினார். சந்தேக நபரும் கைப்பற்றப்பட்ட போதைப்பொருட்களும்  பொலிஸ்  போதைப்பொருள் தடுப்புப் பணியகத்திடம் ஒப்படைக்கப்படும் என்று எதிர்பார்க்கப்படுகிறது.