கிளிநொச்சி மருதநகர் கிராமத்தில் பயிர் வெட்டு அளவீடு தொகை மதிப்பு புள்ளிவிபரத்  திணைக்களத்தால் பயிர் வெட்டு அளவீடு மேற்கொள்ளப்பட்டுவருகின்றது.கிளிநொச்சி மாவட்டத்திலும்  கரைச்சி, கண்டாவளை, பச்சிலைப்பள்ளி, பூநகரி ஆகிய நான்கு பிரதேச செயலர் பிரிவுகளில் புள்ளிவிபர திணைக்களம், கமநல சேவை திணைக்களம் மற்றும் விவசாயத் திணைக்களம் ஆகிய திணைக்கள உத்தியோகத்தர்களால் மேற்கொள்ளப்பட்டு வருகின்றன.இதன் ஒரு பகுதியாக இன்றைய தினம்(29) கரைச்சி பிரதேச செயலகத்திற்கு உட்பட்ட மருதநகர் கிராம சேவையாளர் பிரிவின் சுறா கமப் பகுதியில் முருகேசு கந்தசாமி அவர்களது வயலில் மேற்கொள்ளப்பட்டது.இதன்போது  நெற் பயிர்ச்செய்கை மேற்கொள்ளப்பட்ட வயளின் மாதிரி துண்டம் அறுவடை செய்யப்பட்டு பயிர் வெட்டு அளவீடு செய்யப்பட்டது. இந்நிகழ்வில் கிளிநொச்சி மாவட்ட புள்ளிவிபரவியலாளர் எஸ்.ஜெயவிந்தன், கரைச்சி, கண்டாவளை,  பச்சிலைப்பள்ளி, பூநகரி  ஆகிய பிரதேச செயலகங்களின் புள்ளிவிவர உத்தியோகத்தர்கள், கமல சேவை உத்தியோகத்தர், புள்ளிவிபர திணைக்கள உத்தியோகத்தர்கள் மற்றும் விவசாயிகள் கலந்து கொண்டிருந்தனர்.