தாயே தன் குழந்தையைக் கொலை செய்தாரா மறதியால் நடந்த அவலம் ஜேர்மனியின் ஷ்வன்டோர்ப் (Schorndorf) நகரில், 20 மாத தமிழ் பெண் குழந்தை ஒன்று காரின் உள்ளே அதிக வெப்பம் காரணமாகப் பரிதாபமாக உயிரிழந்த சம்பவத்தில், குழந்தையைத் தாய் "வேண்டுமென்றே கொலை செய்யவில்லை" என்பதும், அது முற்றிலும் எதிர்பாராத ஒரு துயர விபத்து என்பதும் ஜேர்மனியக் காவல் துறையின் முதற்கட்ட விசாரணையில் உறுதிப்படுத்தப்பட்டுள்ளது."இலங்கைத் தமிழ் தாய் தன் குழந்தையைக் படுகொலை செய்துவிட்டார்" எனச் சமூக வலைத்தளங்களில் பரவி வரும் வதந்திகளுக்கு முற்றுப்புள்ளி வைக்கும் வகையில், ஜேர்மனியச் சட்ட அமைப்புகள் மற்றும் உளவியல் வல்லுநர்கள் வெளியிட்டுள்ள உண்மைத் தகவல்களின்படி,ஜேர்மனியில் நிலவி வரும் தற்போதைய கடுமையான வெப்ப அலைக்கு (Heat Wave) மத்தியில் இந்தச் சோகம் அரங்கேறியுள்ளது.44 வயதான அந்த இலங்கைத் தமிழ் தாய், அன்றைய தினம் காலை வழக்கம்போலத் தனது 20 மாத மகளை மழலையர் பள்ளியில் (Creche) விட்டுவிட்டதாக ஆழமாக நம்பியுள்ளார். மன அழுத்தம் மற்றும் தூக்கமின்மை காரணமாக அவரது மூளை "ஆட்டோ-பைலட்" நிலைக்குச் சென்றதே இதற்கு முழுக் காரணம்.குழந்தையைக் காரின் பின் சீட்டிலேயே மறதியாக விட்டுவிட்டு அவர் நேராகத் தனது வேலைக்குச் சென்றுவிட்டார். பிற்பகல் 2:30 மணியளவில் குழந்தையை மீண்டும் அழைக்க வந்தபோதுதான், குழந்தை காரின் உள்ளேயே இருப்பதை உணர்ந்து அதிர்ச்சியடைந்துள்ளார்.காரின் உள்ளே ஏற்பட்ட அதீத வெப்பத் தாக்கம் (Hyperthermia) காரணமாக, உடலின் முக்கிய உறுப்புகள் செயலிழந்து அக்குழந்தை சம்பவ இடத்திலேயே உயிரிழந்துள்ளது.இந்தத் தாயின் மீது வேண்டுமென்றே கொலை செய்ததாக (Murder/Manslaughter) வழக்குப்பதிவு செய்யப்படவில்லை. ஸ்டுட்கார்ட் அரசு வழக்கறிஞர் அலுவலகம் இதனை “கவனக்குறைவால் ஏற்பட்ட மரணம்” (Fahrlässige Tötung / Negligent Homicide) என்ற சட்டப் பிரிவின் கீழ் மட்டுமே விசாரணை நடத்தி வருகிறது.அமெரிக்க உளவியல் பேராசிரியர் டேவிட் எம். டயமண்டின் கூற்றுப்படி, இது உலக அளவில் பெற்றோர்களுக்கு நடக்கும் ஒரு தற்காலிக மூளைச் செயல்பாட்டுக் குறைபாடாகும். தீவிர மன அழுத்தம், வழக்கமான நடைமுறையில் திடீர் மாற்றம் போன்றவை ஏற்படும்போது, காரில் குழந்தை இருப்பதை மூளை தற்காலிகமாக மறந்துவிட்டு ஒரு தவறான நினைவை (False Memory) உருவாக்குகிறது. இதை அடிப்படையாக வைத்தே தாயின் சட்டத்தரணி (Rechtsbeistand) வாதாடி வருகிறார்.தாய் வேண்டுமென்றே இந்தத் குற்றத்தைச் செய்யவில்லை என்பதால் ஜேர்மனியக் காவல்துறை அவரை கைது செய்யவில்லை. தற்சமயம் அவர் கடுமையான மன அதிர்ச்சியிலுள்ளதால் (Emotional breakdown), அவருக்கு மருத்துவர்கள் மற்றும் உளவியல் ஆலோசகர்கள் மூலம் தீவிரச் சிகிச்சை அளிக்கப்பட்டு வருகிறது.