ஆசிய பசிபிக் நாட்டுடன் முதல் ஒப்பந்தத்தில் கையெழுத்திட்ட ஐரோப்பிய ஒன்றியம் சீனா, வட கொரியா மற்றும் ரஷ்யாவுடன் வளர்ந்து வரும் பதட்டங்களுக்கு மத்தியில் இராணுவ உறவுகளை முடுக்கிவிட முனைந்துள்ள நிலையில், ஜப்பானும் ஐரோப்பிய ஒன்றியமும் ஒரு பாதுகாப்பு கூட்டாண்மையை அறிவித்துள்ளன.“நாங்கள் மிகவும் ஆபத்தான உலகில் வாழ்கிறோம்” என்று ஐரோப்பிய ஒன்றிய வெளியுறவுக் கொள்கைத் தலைவர் ஜோசப் பொரெல் டோக்கியோவில் ஜப்பானிய வெளியுறவு மந்திரி தகேஷி இவாயாவுடன் செய்தியாளர்களிடம் தெரிவித்தார்.“நாங்கள் வளர்ந்து வரும் போட்டிகள், காலநிலை விபத்துக்கள் மற்றும் போர் அச்சுறுத்தல்கள் நிறைந்த உலகில் வாழ்கிறோம். இந்த சவாலான உலகத்திற்கு ஒரே ஒரு மாற்று மருந்தே உள்ளது, இது நண்பர்களிடையேயான கூட்டாண்மை ஆகும், ”என்று போரெல் மேலும் குறிப்பிட்டுள்ளார்.ஆசிய பசிபிக் நாட்டுடன் ஐரோப்பிய ஒன்றியம் செய்து கொண்ட முதல் ஒப்பந்தம் இது என்று இரு அதிகாரிகளும் தெரிவித்தனர்.“எங்கள் இரு பிராந்தியங்களிலும் உள்ள சூழ்நிலையில் இது ஒரு வரலாற்று மற்றும் மிகவும் சரியான நேரத்தில் எடுக்கப்பட்ட நடவடிக்கையாகும்” என்று பொரெல் தெரிவித்தார்.