ஆபத்தில் ஐரோப்பாவின் மிகப்பெரிய அணுமின் நிலையம் ஐரோப்பாவின் மிகப்பெரிய அணுமின் நிலையமான சபோரிஜியா அணுமின் நிலையத்தின் பாதுகாப்பு மீண்டும் கவலைக்குரிய நிலையில் உள்ளதாக சர்வதேச அணுசக்தி நிறுவனம் (IAEA) எச்சரித்துள்ளது.சேதமடைந்த கடைசி காப்பு மின் கம்பியை (backup power line) பழுதுபார்க்க அனுமதிக்கும் வகையில், ரஷ்யாவும் உக்ரைனும் தற்காலிக, உள்ளூர் போர்நிறுத்தத்திற்கு ஒப்புக்கொண்டுள்ளதாக IAEA தெரிவித்துள்ளது. இந்த மின் இணைப்பு, சமீபத்தில் நடைபெற்ற இராணுவ நடவடிக்கைகளால் துண்டிக்கப்பட்டது.IAEA வெளியிட்டுள்ள அறிக்கையில்,பழுதுபார்ப்புப் பணிகள் வரும் நாட்களில் தொடங்கப்படும் என தெரிவிக்கப்பட்டுள்ளது.இந்த நான்காவது தற்காலிக போர்நிறுத்தம், அணு பாதுகாப்பை உறுதி செய்வதில் IAEA தொடர்ந்து வகிக்கும் முக்கிய பங்கைக் காட்டுகிறது,” என அதன் இயக்குநர் ஜெனரல் ரஃபேல் க்ரோஸி கூறினார்.அதே நேரத்தில், அணுமின் நிலையத்திற்கு அருகே பல வெடிப்பு சத்தங்கள், தொடர்ச்சியான வான்வழித் தாக்குதல் எச்சரிக்கைகள், மேலும் அந்த இடத்திலிருந்து சுமார் 10 கிலோமீட்டர் தொலைவில் இராணுவ பறக்கும் பொருள் காணப்பட்டதாக IAEA குழு தெரிவித்துள்ளது.இது அணு பாதுகாப்பு குறித்து மேலும் கவலை ஏற்படுத்தியுள்ளது.