புலம்பெயர்ந்த தொழிலாளர்கள் மீதான வரி குறித்த போலிச் செய்தி; நடவடிக்கை எடுக்குமாறு அமைச்சர் அனில் ஜெயந்த பெர்னாண்டோ கோரிக்கை. இலங்கை புலம்பெயர்ந்த தொழிலாளர்கள் அனுப்பும் பணத்திற்கு வரி விதிக்க அரசாங்கம் முடிவு செய்துள்ளதாக உள்ளூர் செய்தித்தாள் ஒன்று தவறான தகவல்களை பரப்பி வருவதாக தொழிலாளர் அமைச்சரும் பொருளாதார மேம்பாட்டு பிரதி அமைச்சருமான பேராசிரியர் அனில் ஜெயந்த பெர்னாண்டோ  நாடாளுமன்றத்தில் தெரிவித்தார்.இது தொடர்பில் இன்று நாடாளுமன்றத்தில் உரையாற்றிய அமைச்சர் அனில் ஜெயந்த பெர்னாண்டோ, 2025 பட்ஜெட்டின் கீழ் இலங்கை புலம்பெயர்ந்த தொழிலாளர்களின் அனுப்பும் பணத்திற்கு 15% வரி விதிக்கப்படும் என்று நேற்றையதினம் செய்தித்தாள் ஒன்றில் செய்தியொன்று வெளியாகியுள்ளது.இந்நிலையில், 2025 பட்ஜெட் நாடாளுமன்றத்தில் சமர்ப்பிக்கப்பட்டு நிறைவேற்றப்பட்ட நேரத்தில், இது அரசாங்கத்தின் நற்பெயருக்கும், தனது நற்பெயருக்கும் தீங்கு விளைவிக்கும் முயற்சி என்று அவர் சுட்டிக்காட்டினார்.செய்தித்தாள் கட்டுரை தன்னை மேற்கோள் காட்டி தனது பாராளுமன்ற சிறப்புரிமைகளை மீறியதாகக் கூறி, இந்த விஷயத்தை நாடாளுமன்ற சிறப்புரிமைக் குழுவின் முன் கொண்டு வந்து விசாரித்து, பத்திரிகைக்கு எதிராக உரிய நடவடிக்கை எடுக்குமாறு நாடாளுமன்றத்தை வலியுறுத்தினார்.