இறக்குமதி எரிவாயு அடுப்புகள் போன்ற உள்ளூர் எரிவாயு அடுப்புக்கள் - நுகர்வோர் விவகார ஆணையம் அதிரடி சோதனை கிராண்ட்பாஸில் இறக்குமதி செய்யப்பட்ட எரிவாயு அடுப்புகள் என்ற போர்வையில் உள்ளூர் எரிவாயு அடுப்புகளை விற்பனை செய்த ஒரு பகுதியை  நுகர்வோர் விவகார ஆணையம் (CAA) சோதனை செய்துள்ளது.கடந்த வாரம் (07) நடத்தப்பட்ட சோதனையின் போது, நுகர்வோர் விவகார ஆணையக அதிகாரிகள் பகுதியிலிருந்து சுமார் 3000 உள்ளூர் எரிவாயு அடுப்புகள் மற்றும் பிற உபகரணங்களை பறிமுதல் செய்தனர்.சோதனையைத் தொடர்ந்து குறித்த பகுதியை சீல் வைக்க மாளிகாகந்த மாஜிஸ்திரேட் நீதிமன்றம் உத்தரவிட்டது.இலங்கை தரநிலைகள் நிறுவனத்தின் (SLSI) தேவையான ஒப்புதல் இல்லாமல் எரிவாயு அடுப்புகள் உள்ளூரில் இணைக்கப்பட்டு விற்கப்படுவதாக வந்த தகவலின் அடிப்படையில் இந்த சோதனை நடத்தப்பட்டதாக CAA தெரிவித்துள்ளது.குறித்த பகுதியின் உரிமையாளர் சில பாகங்கள் இறக்குமதி செய்யப்பட்டதாகவும், மற்றவை உள்ளூர் விற்பனையாளர்களிடமிருந்து பெறப்பட்டதாகவும் தெரிவித்திருந்தார். இருப்பினும், அவரது கூற்றை ஆதரிக்க பொருத்தமான ஆவணங்களை அவரால் வழங்க முடியவில்லை.எனவே, சில பாகங்கள் உள்ளூரில் தயாரிக்கப்பட்டவை என்பதையும், இந்த நோக்கத்திற்காக ஆவணங்களும் உள்ளூரில் உருவாக்கப்பட்டவை என்பதையும் CAA அதிகாரிகள் கண்டுபிடித்தனர்.மாளிகாகந்த நீதவான் நீதிமன்றத்தில் உண்மைகளை முன்வைத்த பின்னர்,  குறித்த பகுதியை சீல் வைத்து மேலதிக விசாரணைகளைத் தொடர நீதிமன்றத்தால்  CAA வுக்கு உத்தரவிடப்பட்டது.