இரண்டு நாட்களுக்கு மூடப்படும் முக்கிய வீதி - வெளியான அறிவிப்பு  புத்தளம் ரயில் மார்க்கத்தில் 55ஆம் கட்டையில் உள்ள ரயில் கடவையில்  திருத்தப்பணிகள் நடைபெறவுள்ளது. இதன் காரணமாக குருணாகல் - புத்தளம் வீதியில் ரயில் கடவை  ஊடான பகுதி இரண்டு நாட்களுக்கு மூடப்படும் என இலங்கை ரயில்வே திணைக்களம் இன்று  அறிவித்துள்ளது.ரயில்வே திணைக்கம் வெளியிட்டுள்ள அறிக்கையில்,திருத்தப்பணிகள் நடைபெற்று வருவதால் நாளை சனிக்கிழமை (08) மற்றும் நாளை மறுதினம் ஞாயிற்றுக்கிழமை (09) குருணாகல் - புத்தளம் வீதியில்  ரயில் கடவை  ஊடான பகுதி மீண்டும் மூடப்படும்.நேற்றைய தினமும்  திருத்தப்பணிகளினால் இந்த வீதி மூடப்பட்டது.இந்த நடவடிக்கையால் போக்குவரத்து நெரிசலை தவிர்க்கவும், அசௌகரியத்தை குறைத்து கொள்வதற்கும் மாற்று வழிகளை பயன்படுத்துமாறு வாகன சாரதிகளுக்கு அறிவுறுத்தப்படுகிறது என தெரிவிக்கப்பட்டுள்ளது.