உலக உச்சி மாநாட்டில் உரையாற்றுவதற்கு ஜனாதிபதி அனுரவுக்கு அழைப்பு. 2025 ஆம் ஆண்டு பெப்ரவரி மாதம் நடைபெறவுள்ள உலக உச்சி மாநாட்டில் உரையாற்றுவதற்கு ஐக்கிய அரபு இராச்சியத்தின் ஜனாதிபதியினால் இலங்கை ஜனாதிபதி அனுரகுமார திஸாநாயக்கவிற்கு அழைப்பு விடுக்கப்பட்டுள்ளது.ஐக்கிய அரபு இராச்சியத்தின் இலங்கைக்கான தூதுவர் காலித் நாசர் அல்அமெரி நேற்று (09) பாராளுமன்றத்தில் சபாநாயகர்  அசோக ரன்வலவைச் சந்தித்த போது இதனைத் தெரிவித்தார்.மேலும், இந்த மாநாட்டில் இந்திய பிரதமர் நரேந்திர மோடி 2024ல் உரையாற்றுவார் என்றும் தூதுவர் தெரிவித்தார்.ஊழலைச் சமாளிக்க பொதுச் சேவையை ஆன்லைனில் நடத்துவதே சிறந்த வழி என்று இங்கு குறிப்பிடப்பட்டது.இது தொடர்பில் தேவையான நிபுணத்துவத்தை பகிர்ந்து கொள்ள தமது அரசாங்கம் தயாராக இருப்பதாக தூதுவர் சுட்டிக்காட்டினார்.வெளிப்படையான மற்றும் கவர்ச்சிகரமான முதலீட்டு திட்டங்களை தயாரிப்பதன் முக்கியத்துவம் குறித்தும் விவாதிக்கப்பட்டது.ஐக்கிய அரபு இராச்சியத்தில் வாழும் இலங்கையர்கள் அமைதியான தொழில் வல்லுநர்கள் குழுவாக பாராட்டப்படுவதாக தூதுவர் மேலும் குறிப்பிட்டார்.தொழில்நுட்பம் மற்றும் புதுப்பிக்கத்தக்க எரிசக்தி துறையில் சாத்தியமான முன்னேற்றம் மற்றும் முதலீடுகளை விரிவுபடுத்துவதற்கான சாத்தியக்கூறுகள் குறித்தும் இரு தரப்பினருக்கும் இடையே கலந்துரையாடப்பட்டது.இது தவிர இரு நாடுகளுக்கும் இடையிலான உறவுகளை மேலும் வலுப்படுத்தும் வகையில் இலங்கை - ஐக்கிய அரபு இராச்சிய பாராளுமன்ற நட்புறவு சங்கத்தை புத்துயிர் பெறுவது தொடர்பிலும் கலந்துரையாடப்பட்டதாக பாராளுமன்ற தொடர்பாடல் திணைக்களம் குறிப்பிட்டுள்ளது.