உள்ளூர் கடனை மறுசீரமைப்பது ஆபத்தானது. – உள்நாட்டு கடன் எவ்வளவு தெரியுமா. எச்சரிக்கை தகவல் samugammedia நாட்டின் உள்ளூர் கடனை மறுசீரமைப்பது என்பது, சமூக பொருளாதார தாக்கத்தை ஏற்படுத்தும் என பேராதனை பல்கலைக்கழகத்தின் பொருளாதார பிரிவின் பேராசிரியர் வசந்த அத்துகோரல எச்சரிக்கை விடுத்துள்ளார்.இதன் காரணமாகவே நாட்டின் பொருளாதாரம் சுருங்கி வருவதாக பேராசிரியர் சுட்டிக்காட்டியுள்ளார்.தற்போது, இலங்கையின் மொத்த கடன் தொகை கிட்டத்தட்ட 92 பில்லியன் டாலர்கள். அதில் 47 பில்லியன் டாலர்கள் உள்நாட்டுக் கடனாகவும்,  36 பில்லியன் டாலர்கள் வெளிநாட்டுக் கடனாகவும் உள்ளன.அரசாங்கமும் மத்திய வங்கியும் இந்த உள்நாட்டுக் கடனை ஏதோ ஒரு வகையில் விரைவாக மறுசீரமைக்கப் போகிறது. இந்த உள்நாட்டுக் கடனில் பெரும்பாலானவை கருவூலப் பில்கள் மற்றும் கருவூலப் பத்திரங்கள் ஆகும்.இவை இந்த நாட்டு மக்களின் பணம். இந்த தொகையை ஏதாவது ஒரு வகையில் வெட்டினால், சமூகத்தில் சமூக பொருளாதார பாதிப்பு கண்டிப்பாக ஏற்படும். மேலும் கடுமையான முறையில் மக்களை பாதிக்க வாய்ப்பு உள்ளது. ஏனெனில் பொருளாதாரம் சுருங்குகிறது.-  என்றார்.