மன அழுத்தத்திலிருந்து மீள உதவும் எளிய வழிகள் மனதைப் பாதிக்கும் சம்பவங்களை மீண்டும் மீண்டும் நினைத்துக் கவலைப்படுவது மன அழுத்தத்தையும் பதற்றத்தையும் அதிகரிக்கக்கூடும். இதனால் அன்றாடச் செயல்களில் கவனம் செலுத்துவதும் கடினமாகலாம்.இத்தகைய தேவையற்ற சிந்தனைகளிலிருந்து மீள்வதற்கு ஆழமான மூச்சுப் பயிற்சி, யோகா, தியானம் மற்றும் நடைப்பயிற்சி போன்றவற்றில் ஈடுபடலாம். அமைதியான சூழலில் சிறிது நேரம் ஓய்வெடுப்பதும் மனதைச் சீராக்க உதவும்.அதேவேளை, கடந்த காலத் தவறுகளை நினைத்து வருந்துவதற்குப் பதிலாக அவற்றிலிருந்து பாடங்களைக் கற்றுக்கொண்டு நிகழ்காலத்தில் கவனம் செலுத்த வேண்டும்.இதுவரை அடைந்த சிறிய வெற்றிகளையும் சாதனைகளையும் நினைவுகூர்வது தன்னம்பிக்கையை அதிகரிக்க உதவும்.போதுமான தூக்கம், சீரான உணவு, உடற்பயிற்சி மற்றும் குடும்பத்தினருடன் மனம் விட்டுப் பேசுதல் ஆகியவையும் மன ஆரோக்கியத்தைப் பாதுகாக்க முக்கியமானவை.எனினும், எதிர்மறை எண்ணங்களும் பதற்றமும் தொடர்ந்து நீடித்து அன்றாட வாழ்க்கையைப் பாதித்தால், மனநல நிபுணரின் ஆலோசனையைப் பெறுவது அவசியம். உடல் ஆரோக்கியத்திற்கு அளிக்கும் அதே முக்கியத்துவத்தை மன ஆரோக்கியத்திற்கும் அளிக்க வேண்டும்.