அரசாங்கத்தின் முயற்சி அரசியல் எதிராளிகளை அடக்குவதற்கே - சஞ்சீவ எதிரிமான்ன ஜனாதிபதி அனுர குமார திசாநாயக்க தலைமையிலான தற்போதைய அரசாங்கம் சமூகத்தைக் கட்டியெழுப்புவதற்காக அல்லாமல், தமது அரசியல் எதிராளிகளை குறிப்பிட்ட காலத்திற்குள் முடக்கி வைப்பதற்கே நடவடிக்கை எடுத்து வருவதாக முன்னாள் நாடாளுமன்ற உறுப்பினர் சஞ்சீவ எதிரிமான்ன தெரிவித்துள்ளார். பத்தரமுல்ல நெலும் மாவத்தையிலுள்ள ஸ்ரீலங்கா பொதுஜன பெரமுன கட்சியின் தலைமையகத்தில் இன்று (2026.10.28) நடைபெற்ற செய்தியாளர் சந்திப்பில் கலந்துகொண்டு கருத்து தெரிவிக்கும் போதே அவர் இதனைத் தெரிவித்தார்.அங்கு மேலும் கருத்து தெரிவித்த முன்னாள் நாடாளுமன்ற உறுப்பினர்,"அரசாங்கத்தினால் தற்போது நடைமுறைப்படுத்த முயற்சிக்கப்படும் சில சட்டமூலங்கள் மற்றும் அது தொடர்பான உள்ளடக்கங்கள் குறித்து மிகச் சிக்கலான சமூக உரையாடல் ஒன்று நிலவி வரும் சூழலிலேயே நாம் இருக்கிறோம். தேர்தல் காலத்திலும், அதற்கு முன்னரும் நீண்டகாலமாக மக்கள் விடுதலை முன்னணி  மற்றும் தேசிய மக்கள் சக்தியாக  இந்த நாட்டிற்கு முன்மொழியப்பட்ட புதிய அரசியல் கலாச்சாரத்திற்கும், தற்போதைய அரசாங்கத்தின் சட்ட இயற்றல் மற்றும் அரசியல் சீர்திருத்த அணுகுமுறைக்கும் இடையே பாரிய முரண்பாடு நிலவுவதை நாம் காண்கிறோம்.தனிநபர் சுதந்திரம் தொடர்பான மிகவும் உணர்திறன் மிக்க நீதித்துறை அதிகாரங்களை நீதிமன்றமே வைத்திருக்க வேண்டும். ஆனால், அரசாங்கம் அந்த அதிகாரங்களை வெளிப்படை விசாரணை முகவரகங்களிடம் ஒப்படைக்கும் அரசியல் மூலோபாயத்தைப் பின்பற்றி வருகிறது. நவீன சமூகத்தில் எழுதப்பட்ட வழிகாட்டல்களிலும் நடைமுறையிலும் தனிநபர் சுதந்திரம் என்பது மிகவும் உன்னதமான கருத்தாக்கமாகும். அவ்வாறான நீதிமன்ற அதிகாரங்களை அரசாங்கம் தனது அரசியல் புலனாய்வாளர்களின் கரங்களில் ஒப்படைக்க முயல்கிறது.சமூகத்தைச் சீர்திருத்துவது அரசாங்கத்தின் நோக்கமல்ல; மாறாகத் தமது அரசியல் எதிராளிகளை குறிப்பிட்ட காலத்திற்குள் அடைத்து வைப்பதே இதன் பின்னணியில் உள்ள அரசியல் மூலோபாயமாகும். வலுவான எதிராளி இல்லாத ஒரு அரசியல் களத்தை உருவாக்கவே ஜனாதிபதி அனுர திசாநாயக்க தலைமையிலான அரசாங்கம் முயற்சிக்கிறது.நீதிமன்றத்திற்குள் மட்டுமே தீர்க்கப்பட வேண்டிய பிரச்சினையை பொலிஸ் கூண்டிற்குள் தீர்க்க முடியாது என்பது ஜனாதிபதிக்காவது இப்போது புரிகிறதா ஹோமாகம பொலிஸ் கூண்டிற்குள் இருந்து கேட்ட அலறல் சத்தம் இந்த அரசாங்கத்திற்கும் ஜனாதிபதிக்கும் கேட்டதா என்று நாம் கேட்கிறோம். உயிரிழந்த நபர் நல்லவரா கெட்டவரா என்பது இங்கு கேள்வியல்ல; தவறிழைத்த ஒருவருக்கு தண்டனை வழங்கும் முறை இதுவல்ல. நீதிமன்றத்தால் வழங்கப்பட வேண்டிய தண்டனை, பொலிஸ் கூண்டிற்குள் மரண தண்டனையாக மாறும் ஒரு சமூகத்திற்கு சட்டப் பாதுகாப்பை வழங்கவே அரசாங்கம் முயல்கிறது.அரசியலமைப்புச் சட்டத்தின் படியும் அரசியல் அறிவியலின் படியும், ஒரு நாட்டின் அரசியலமைப்பின் அடிப்படை கட்டமைப்பை மாற்றியமைக்கும் வகையில் புதிய சட்டங்களை உருவாக்க முடியாது. தனிநபர் சுதந்திரம் என்பது அரசியலமைப்பில் அடிப்படை உரிமையாக உறுதி செய்யப்பட்டுள்ள ஒன்றாகும்.அத்துடன், இரண்டு ஆண்டுகளுக்கு முன்பு மக்களுக்கு வாக்குறுதியளிக்கப்பட்ட 'வளமான நாடு - அழகான வாழ்க்கை' என்ற கொள்கைப் பிரகடனத்தின் வாக்குறுதிகளுக்கு அமைவாக, இந்த ஆண்டிலாவது வரவு செலவுத் திட்ட முன்மொழிவுகளை சமர்ப்பிக்க ஜனாதிபதியால் முடியுமா இந்த அரசாங்கம் தனது சொந்தக் கொள்கைப் பிரகடனத்தையே மறந்து வேறு ஒரு உலகில் இருந்து கொண்டு ஆட்சியை நடத்தப் பார்க்கிறது," எனத் தெரிவித்தார்.