வடமராட்சி வல்லிபுர ஆழ்வார் திருக்கோயில் மகோற்சவம் கொடியேற்றத்துடன் ஆரம்பம்.samugammedia வரலாற்று சிறப்புமிக்க யாழ்ப்பாணம் வடமராட்சி வல்லிபுர ஆழ்வார் திருக்கோயில் வருடாந்த உற்சவம் இன்றையதினம் கொடியேற்றத்துடன் ஆரம்பமானது.இந்நிகழ்வில் பல்லாயிரக்கணக்கான பக்தர்கள் கலந்து கொண்டதுடன் தங்களது நேர்த்திக்கடன்களை செலுத்தி வருகின்றனர்.இன்று ஆரம்பமான வருடாந்த மகோற்சவம் தொடர்ந்து 16 நாட்கள் இடம் பெறவுள்ளது.அதேவேளை,  மகோற்சவத்தில் விசேட திருவிழக்களாக  எதிர்வரும் 22 ஆம் திகதி வெள்ளிக்கிழமை வெண்ணைத் திருவிழாவும்,  23ஆம் திகதி சனிக்கிழமை துகில் திருவிழாவும்,  24ஆம் திகதி ஞாயிற்றுக்கிழமை பாம்பு திருவிழாவும், 25ஆம் திகதி திங்கட்கிழமை கம்சன் போர் திருவிழாவும் , 26 ஆம் திகதி செவ்வாய்க்கிழமை வேட்டைத் திருவிழாவும், 27ஆம் திகதி புதன்கிழமை சப்பைரத திருவிழாவும், 28ஆம் திகதி வியாழக்கிழமை தேர்த்திருவிழாவும், 29ஆம் திகதி வெள்ளிக்கிழமை சமுத்திரத் தீர்த்த  திருவிழாவும், 30ஆம் திகதி சனிக்கிழமை கேணித்தீர்த்தமும் இடம்பெற்று அன்று மாலை கொடியிறக்கத்துடன் திருவிழா நிறைவடையவுள்ளமை குறிப்பிடத்தக்கது.