வாட்ஸ் அப்பில் புதுப்பிக்கபட்ட6 அசத்தல் அம்சங்கள்;பயனர்களுக்கு மெட்டா அறிமுகப்படுத்திய வசதிகள் தகவல் பரிமாற்ற செயலியான வாட்ஸ்அப் (WhatsApp), தனது பயனர்களின் வசதிக்காக 6 புதிய அம்சங்களை உள்ளடக்கிய பிரம்மாண்டமான அப்டேட்டை வெளியிட்டுள்ளது. மெட்டா (Meta) நிறுவனத்தின் இந்த அதிரடி மாற்றங்கள் குறித்த விபரங்கள் இதோ:இதுவரை ஆண்ட்ராய்டு பயனர்களுக்கு மட்டுமே கிடைத்து வந்த 'ஒரே கைபேசியில் இரண்டு வாட்ஸ்அப் கணக்குகள்' வசதி இப்போது ஐபோன் பயனர்களுக்கும் கிடைக்கிறது. அடுத்து புகைப்படங்களை அனுப்பும் முன்னரே அதன் பின்னணியை (Background) மாற்றவும், தேவையற்ற பொருட்களை அகற்றவும் 'மெட்டா ஏஐ' வசதி சேர்க்கப்பட்டுள்ளது.மற்றும் ஐபோனிலிருந்து ஆண்ட்ராய்டுக்கும் அல்லது ஆண்ட்ராய்டிலிருந்து ஐபோனுக்கும் மாறும் போது, உரையாடல் வரலாறுகளை (Chat History) எவ்விதச் சிக்கலுமின்றி மிக எளிதாக மாற்றிக் கொள்ளலாம்.போனில் இடம் பற்றாக்குறையைத் தவிர்க்க, அதிக கொள்ளளவு கொண்ட பெரிய கோப்புகளை (Large Files) மட்டும் கண்டறிந்து அழிக்கும் வசதி அறிமுகமாகியுள்ளது.நீங்கள் ஒரு எமோஜியைத் தட்டச்சு செய்யும் போது, அதற்கு இணையான சுவாரஸ்யமான ஸ்டிக்கர்களை வாட்ஸ்அப் தானாகவே பரிந்துரைக்கும்.உரையாடலின் சூழலைப் புரிந்து கொண்டு, அதற்குப் பொருத்தமான பதில்களைத் தயாரித்து வழங்க செயற்கை நுண்ணறிவு மேம்படுத்தப்பட்டுள்ளது.இந்த அனைத்து வசதிகளும் பயனர்களின் தனியுரிமையைப் (Privacy) பாதுகாக்கும் வகையில் வடிவமைக்கப்பட்டுள்ளதாக மெட்டா உறுதி அளித்துள்ளது.