திருமலையில் கானாபாலா உள்ளிட்ட தென்னிந்திய இசைக் கலைஞர்கள் பங்கேற்கும் இன்னிசை நிகழ்வு. திருகோணமலையில் மாபெரும் உணவுத் திருவிழாவும் இன்னிசைத் திருவிழாவும் இடம்பெறவுள்ளது.இது தொடர்பில் மேலும் தெரியவருவதாவது,திருகோணமலை விடுதிகள் சங்கத்தின் ஏற்பாட்டில் அதன் தலைவர் குமார் ஜெயக்குமார் தலைமையில், எதிர்வரும் 11ஆம் திகதி முதல் 14ஆம் திகதி வரை திருகோணமலை பிரதான கடற்கரையில் மாபெரும் உணவுத் திருவிழாவும் இன்னிசைத் திருவிழாவும் இணைந்ததான  சமூக நிகழ்வு ஒன்று இடம்பெறவுள்ளது.இதன் போது மாபெரும் உணவுத் திருவிழா, கார்ணிவேல் மற்றும் இலங்கையின் தலைசிறந்த இசைக் கலைஞர்களுடன் தமிழக இசைக் கலைஞர்களும், குறிப்பாக 'காசு பணம் துட்டு மணி மணி' பாடல் பிரபலம் கானா பாலா உட்பட பல தென்னிந்திய இசைக் கலைஞர்களும் இணைந்து சிறப்பிக்கும் இன்னிசைத் திருவிழாவும் இடம்பெறவுள்ளது.அத்துடன் இன்னிசை நிகழ்வு இந்தியாவின் எம் மியூசிக் மாரிக் விஜயின் இசைக் குழுவினரும் இணைந்து கொள்கின்றனர்.அதேவேளை, இந்நிகழ்விற்கான நுழைவு முற்றிலும் இலவசம் எனவும் அறிவிக்கப்பட்டுள்ளது.