அண்ணாமலை சொன்ன "சீக்ரெட்". சீமானை உள்ளே இழுத்த பிரபலம். என்னாச்சு samugammedia தனது வீட்டு வாடகையை நண்பர்கள் தான் கொடுக்கின்றனர் என தமிழக பாஜக தலைவர் அண்ணாமலை பேசியதை, சீமானின் பேச்சுடன் ஒப்பிட்டு கலாய்த்து தள்ளியுள்ளார் பிரபல அரசியல் விமர்சகர் டாக்டர் ஷர்மிளா.திமுகவின் ஊழல் பட்டியலை ஏப்ரல் 14-ம் தேதி வெளியிடுவேன் என பல மாதங்களுக்கு முன்பே கூறி புயலை கிளப்பினார் பாஜக தலைவர் அண்ணாமலை. இதனால் அனைத்துத் தரப்பினர் மத்தியிலும் இதுதொடர்பான எதிர்பார்ப்பு அதிகரித்தது.இந்நிலையில், சென்னை பாஜக அலுவலகத்தில் செய்தியாளர்களை சந்தித்த அண்ணாமலை, திமுக ஊழல் பட்டியலை வெளியிடுவதாக கூறி சில முக்கிய அமைச்சர்களின் சொத்துப் பட்டியலை வெளியிட்டார்.இதனைத் தொடர்ந்து பேசிய அண்ணாமலை, "நான் ஐபிஎஸ் அதிகாரியாக பொறுப்பேற்று முதல் மாதம் சம்பளம் வாங்கியது முதலாக அனைத்து விவரங்களையும் வெளியிட்டுள்ளேன். எம்பிஏ படித்து முடித்த பிறகு, எனக்கு இருந்த ரூ.11 லட்சம் கடனை 7 ஆண்டுகள் கஷ்டப்பட்டு அடைத்தேன். போன மாதம் வரை எனது கிரெடிட் கார்டு பில்லை வெளியிட்டிருக்கிறேன்.இந்த சொத்தை வைத்து எப்படி ஒரு கட்சியின் மாநிலத் தலைவராக உங்களால் இருக்க முடிகிறது. எப்படி பிழைப்பு நடத்த முடிகிறது. என உங்களுக்கு சந்தேகங்கள் வரும். இந்த சந்தேகம் நியாமானதுதான். "என் வீட்டு வாடகை, ஊழியர்களின் சம்பளம், காருக்கு பெட்ரோல் என எல்லாவற்றையும் எனது நண்பர்கள்தான் கொடுக்கிறார்கள்" என அவர் பேசி இருந்தார்.அண்ணாமலையின் இந்த பேச்சை திமுகவினர் உள்ளிட்டோர் சமூக வலைதளங்களில் கடுமையாக கலாய்த்து வருகின்றனர். 3 லட்சம் ரூபாய் கொடுத்து வாட்ச் வாங்க முடிந்த ஒருவரால், தனது வீட்டு வாடகையை கொடுக்க முடியாதா" என அவர்கள் கேள்வியெழுப்பி வருகின்றனர்.இந்நிலையில்தான், பிரபல அரசியல் விமர்சகரும், சீரியல் நடிகையுமான டாக்டர் ஷர்மிளா கிண்டலாக ஒரு ட்வீட் போட்டுள்ளார். அதில் நாம் தமிழர் கட்சி ஒருங்கிணைப்பாளர் சீமானையும் மறைமுகமாக அவர் கலாய்த்துள்ளார். அந்த ட்வீட்டில், "வீட்டு வாடகை, ஊழியர்களின் சம்பளம், காருக்கு பெட்ரோல் எல்லாவற்றையும் நண்பர்கள்தான் தருகிறார்கள். இதே டயலாக்கை வேற யாரோ சொன்னாங்க தானே. ஒரே நாடு ஒரே டூல்கிட். ஒன்று தேசியம். இன்னொண்ணு தமிழ் தேசியம்" என அவர் குறிப்பிட்டுள்ளார்.கடந்த மாதம், நாம் தமிழர் கட்சி ஒருங்கிணைப்பாளர் சீமான் அணிந்த டி ஷர்ட் பெரும் சர்ச்சையை கிளப்பியது. அவர் பர்பெரி டி ஷர்ட்டின் மதிப்பு ரூ.40 ஆயிரம் ஆகும். ஆனால், அதற்கு ஒரு சில மாதங்களுக்கு முன்புதான், தனது கட்சியினருக்கு சாப்பாடு போட கூட பணமில்லை என சீமான் தெரிவித்திருந்தார். கட்சியினருக்கு சாப்பாடு போட பணம் இல்லை. ஆனால் 40 ஆயிரம் டி ஷர்ட் மட்டும் போட முடிகிறதா என சமூக வலைதளங்களில் சீமானை நெட்டிசன்கள் வெச்சு செய்தனர்.இதனைத் தொடர்ந்து, இதற்கு விளக்கம் அளித்த சீமான், "தம்பிகள் வெற்றிக்குமரனும் துரைமுருகனும் ஆசைப்பட்டு தனக்கு இந்த டி ஷர்ட்டை வாங்கி வந்தார்கள்" எனக் கூறினார். தற்போது அதே பாணியில் அண்ணாமலையும் கூறியதால், டாக்டர் ஷர்மிளா இவ்வாறு கூறியிருக்கிறார்.