ஈரானுக்கு ஆதரவாக களமிறங்கிய சீனா ஈரான்–சீனா இடையேயான உறவுகள் நிலையானதாகவும், பல்வேறு மட்டங்களில் தொடர்ச்சியான தொடர்புகளை அடிப்படையாகக் கொண்டதாகவும் இருப்பதாக ஈரான் தெரிவித்துள்ளது.ஷாங்காய் ஒத்துழைப்பு அமைப்பின் (SCO) கடந்த வார உச்சிமாநாடு ஈரானுக்கு முக்கியமான ராஜதந்திர சாதனைகளை பெற்றுத்தந்ததாக ஈரான் வெளியுறவு அமைச்சக செய்தித் தொடர்பாளர் இஸ்மாயில் பாகாயி தெரிவித்துள்ளார்.உச்சிமாநாட்டின் போது ஈரான் ஜனாதிபதி மசூத் பெஷெஷ்கியன், கிர்கிஸ்தான், இந்தியா, பாகிஸ்தான், ரஷ்யா மற்றும் அஜர்பைஜான் ஆகிய நாடுகளின் தலைவர்களை சந்தித்ததாகவும் அவர் கூறினார்.அதேவேளை, ஈரான்–சீனா உறவுகள் மிகவும் சிறப்பாகவும், நிலையானதாகவும் உள்ளன என்றும், இரு நாடுகளுக்கும் இடையே பல்வேறு மட்டங்களில் தொடர்ந்து தொடர்புகள் இடம்பெற்று வருவதாகவும் பாகாயி குறிப்பிட்டுள்ளார்.இந்தக் கருத்துகள், பிராந்திய மற்றும் சர்வதேச அளவில் ஈரான் தனது ராஜதந்திர உறவுகளை மேலும் வலுப்படுத்தி வருவதைக் காட்டுவதாக பார்க்கப்படுகிறது.