பொதுநலவாய நாடுகளுக்கிடையான வலு தூக்கல் போட்டியில் யாழ் இளைஞன் சாதனை. தென்னாப்பிரிக்காவில் நடைபெற்ற பொதுநலவாய நாடுகளுக்கு இடையிலான (Powerlifting) வலு தூக்கல் போட்டிகளில், யாழ்.சாவகச்சேரியைச் சேர்ந்த சற்குணராசா புசாந்தன் 3 பதக்கங்களைப் பெற்றுள்ளார்.அண்மையில்  இடம்பெற்ற இந்தப் போட்டிகளில், 120 கிலோ  எடைப் பிரிவில், Dead Lift  போட்டியில் தங்கப் பதக்கத்தையும், Bench Press போட்டியில் வெள்ளிப் பதக்கத்தையும், Squats போட்டியில் வெண்கலப் பதக்கத்தையும் பெற்று இலங்கைக்கு பெருமை சேர்த்துள்ளார்.சற்குணராசா புசாந்தன், யா/சாவகச்சேரி டிறிபேர்க் கல்லூரியின் பழைய மாணவனாவர் என்பதும் குறிப்பிடத்தக்கது.