அமெரிக்க கொடியை எரித்த ஹமாஸ் ஆதரவு போராட்டக்காரர்களை கமலா ஹாரிஸ் கண்டிப்பு ஹமாஸுக்கு ஆதரவாக நடந்த ஆர்ப்பாட்த்தில்  அமெரிக்ககொடியை எரித்தவர்களை துணை ஜனாதிபதி  கலமா ஹரிஸ் கண்டித்துள்ளார்.  இஸ்ரேல் பிரதமர் பெஞ்சமின் நெதன்யாகு காங்கிரசில் புதன்கிழமை ஆற்றிய உரைக்கு எதிர்ப்புத் தெரிவித்து    அமெரிக்க தலைநகர் அருகே நடந்த ஆர்ப்பாட்டத்தில் அமெரிக்கக் கொடி எரிக்கப்பட்டது."இஸ்ரேல் அரசை அழிப்பதாகவும் யூதர்களைக் கொல்வதாகவும் சபதம் செய்த கொடூரமான பயங்கரவாத அமைப்பான ஹமாஸுடன் தொடர்புடைய எந்தவொரு நபர்களையும் நான் கண்டிக்கிறேன். ஹமாஸுக்கு ஆதரவான கிராஃபிட்டி மற்றும் சொல்லாடல்கள் வெறுக்கத்தக்கது, அதை நம் நாட்டில் நாம் பொறுத்துக் கொள்ளக்கூடாது" என்று துணை ஜனாதிபதி கூறினார். அவரது அலுவலகம் வெளியிட்டுள்ள அறிக்கையில், "அமெரிக்கக் கொடி எரிக்கப்படுவதை நான் கண்டிக்கிறேன். அந்த கொடி ஒரு தேசமாக நமது உயர்ந்த கொள்கைகளின் சின்னம் மற்றும் அமெரிக்காவின் வாக்குறுதியை பிரதிநிதித்துவப்படுத்துகிறது. அந்த வகையில் அது ஒருபோதும் அவமதிக்கப்படக்கூடாது." என்றார்.புதனன்று, இஸ்ரேலுக்கான அமெரிக்க ஆதரவை எதிர்க்கும் ஆர்ப்பாட்டக்காரர்கள், தலைநகரின் முக்கிய ரயில் மையமான அருகிலுள்ள யூனியன் ஸ்டேஷனை அடையும் முன், கேபிடல் அருகே பொலிஸுடன் மோதினர். சில போராட்டக்காரர்கள் நிலையத்தின் முன் உள்ள கொடிக்கம்பங்களில் ஏறி அமெரிக்கக் கொடிகளுக்குப் பதிலாக பாலஸ்தீனக் கொடிகளை ஏற்றினர். நெதன்யாகுவின் உருவப் பொம்மையின் கீழ் அமெரிக்கக் கொடி ஒன்று எரிக்கப்பட்டது.