சுகாதார அமைச்சருக்கு எதிரான நம்பிக்கையில்லாப் பிரேரணை.ஆளுங்கட்சியின் பிரேரணைக்கு சஜித் தரப்பு எதிர்ப்பு.samugammedia எதிர்வரும் மூன்று தினங்களில் பாராளுமன்றத்தில் நடைபெறவிருந்த விவாதத்தை இடைநிறுத்தி சுகாதார அமைச்சர் கெஹலிய ரம்புக்வெல்லவுக்கு எதிரான நம்பிக்கையில்லாப் பிரேரணையை விவாதத்திற்கு உட்படுத்த முடியும் என ஆளும் கட்சியின் பிரதான அமைப்பாளரான அமைச்சர் பிரசன்ன ரணதுங்க இன்று (09) பாராளுமன்றத்தில் தெரிவித்தார்.இதற்குப் பதிலளித்த எதிர்க்கட்சித் தலைவர் சஜித் பிரேமதாச, மூன்று நாள் விவாதம் அவசியம் என்றும், ஆனால் தற்போது அது தேவையில்லை என்றும் தெரிவித்தார். இந்த மூன்று நாள் விவாதத்தை உரிய நேரத்தில் கோருவதாகவும் அவர் குறிப்பிட்டுள்ளார்.அதேவேளை ஆளும் கட்சியின் பிரதம அமைப்பாளர் அமைச்சர் பிரசன்ன ரணதுங்க தெரிவிக்கையில்,இன்றும் நாடாளுமன்றத்தில் சுகாதாரத்துறை குறித்து கேள்விகள் கேட்கப்படுகின்றன. ஊடகங்களிலும் வருகிறது. இது தொடர்பான நம்பிக்கையில்லாப் பிரேரணையை எதிர்க்கட்சிகள் இன்று நாடாளுமன்றத்தில் சமர்ப்பித்துள்ளன. இது தொடர்பாக, இன்றோ நாளையோ எடுக்கப்படுமா என அரசு தரப்பில் விளக்கம் அளிக்கப்பட்டுள்ளது. இது குறித்து பேசுவதற்கு மூன்று நாட்கள் அவகாசம் தேவை என எதிர்க்கட்சித் தலைவர் தெரிவித்தார். அவ்வாறாயின் நாளை, நாளை மறுதினம், சனிக்கிழமை ஆகிய தினங்களில் நடவடிக்கை எடுக்கப்பட வேண்டுமென ஜனாதிபதி தெரிவித்தார். அப்படி மாற்றம் செய்தால் சபை கூட்டத்தை கூட்ட வேண்டும். அரசு தரப்பில் இருந்து, மூன்று நாட்கள் அவகாசம் கொடுக்க தயாராக உள்ளோம். இதை எதிர்க்கட்சிகள் கொண்டு வந்துள்ளன. இதை எப்போது எடுத்துக்கொள்வது என்பதை எதிர்க்கட்சிகள் தான் கூற வேண்டும். நாளை மறுநாள் எடுத்தால் அதற்கும் நான் தயார். திகதி கொடுத்தால் அதற்கும் நாங்கள் தயார் என தெரிவித்தார்.