இந்தியாவுக்குத் தப்பிச் சென்ற சந்தேக நபர் விமான நிலையத்தில் கைது. இலங்கையில் ஏராளமான குற்றங்களைச் செய்து இந்தியாவுக்குத் தப்பிச் சென்ற சந்தேகநபர் ஒருவர், கடவுச்சீட்டு இல்லாமல் இந்தியாவில் இருந்தபோது நாட்டின் பாதுகாப்புப் படையினரால் கைது செய்யப்பட்டு நாடு கடத்தப்பட்டுள்ளார். கட்டுநாயக்க விமான நிலையத்திற்கு வந்தவுடன், விமான நிலைய குற்றப் புலனாய்வுத் துறை அதிகாரிகள் குழுவால் அவர் கைது செய்யப்பட்டார்.46 வயதான இந்த நபர் இரத்தினபுரி குருவிட்ட பகுதியைச் சேர்ந்தவரே இவ்வாறு கைது செய்யப்பட்டுள்ளார்.இரத்தினபுரி குருவிட்ட பகுதியில் 5 மில்லியன் ரூபாவை கப்பம் வாங்குதல், போதைப்பொருள் கடத்தல், மிரிஹான பகுதியில் கைக்குண்டு வைத்திருந்தமை மற்றும் பல கொலைகளைச் செய்தமை ஆகிய குற்றச்சாட்டுகளின் பேரில் பொலிஸாரால் அவர் கைது செய்யப்பட்டார். அதேவேளை குறித்த சந்தேகநபர் சட்ட நடவடிக்கைகளுக்காக அவிசாவளை, கல்கிசை மற்றும் இரத்தினபுரி நீதிமன்றங்களுக்கு அனுப்பப்பட்டார்.இந்நிலையில் நீதிமன்றங்களைத் தவிர்த்து படகு மூலம் இந்தியாவுக்குத் தப்பிச் சென்ற அவர், கடவுச்சீட்டு இல்லாமல் சட்டவிரோதமாக இந்தியாவுக்குள் நுழைந்ததால், இந்திய பாதுகாப்புப் படையினர் அவரை மீண்டும் நாட்டிற்கு நாடு கடத்த நடவடிக்கை எடுத்திருந்தமை குறிப்பிடத்தக்கது.