வனிந்துவின் திட்டம் நிறைவேறுமா வெளியான தகவல். இலங்கை டி20 அணிக்கான வீரர்களை தேர்வு செய்யும் போது, ​​சிறந்த களத்தடுப்பு வீரர்களை அணியில் சேர்க்க தாம் செயற்பட்டதாக புதிய இருபதுக்கு 20 அணியின் தலைவர் வனிந்து ஹசரங்க தெரிவித்துள்ளார்.நாளை (14) ஆரம்பமாகவுள்ள 20-20 போட்டித் தொடருக்கு முன்னர் இடம்பெற்ற செய்தியாளர் சந்திப்பில் கலந்து கொண்ட வனிந்து மேலும் தெரிவிக்கையில், சிரேஷ்ட வீரர்கள் அணியில் இணைந்துள்ளதால் புதிய வீரர்களுக்கு நல்ல அனுபவத்தைப் பெற முடியும்.சுற்றுலா சிம்பாப்வே அணிக்கும் இலங்கை அணிக்கும் இடையிலான மூன்று போட்டிகள் கொண்ட 20-20  தொடரின் முதல் போட்டி நாளை இரவு 7.00 மணிக்கு கொழும்பு ஆர். பிரேமதாச மைதானத்தில் நடைபெறவுள்ளது.நாளைய போட்டிக்காக பெதும் நிஸ்ஸங்க தயாராகவுள்ளதாக வனிந்து ஹசரங்க இன்றைய செய்தியாளர் சந்திப்பில் தெரிவித்தார்.வனிந்து ஹசரங்க, சர்வதேச 20-20 போட்டிக்கான இலங்கை அணியை வழிநடத்துவது இதுவே முதல் முறையாகும்.