மறைந்த நண்பனுக்கு இறுதி மரியாதை-மைதானத்தில் நடந்தஉணர்வுபூர்வமான சம்பவம் முல்லைத்தீவு மாவட்டத்தில் இடம்பெற்ற இந்த உணர்ச்சிகரமான சம்பவம், அந்தப் பகுதியை முழுமையாக சோகத்தில் ஆழ்த்தியுள்ளது.விபத்தில் உயிரிழந்த இளைஞரின் உடல் வைக்கப்பட்டிருந்த சடலப் பேழையை அவரது நண்பர்கள் மைதானத்துக்கு கொண்டு சென்று,கால்பந்து விளையாட்டில் கோல் அடித்து உணர்ச்சிகரமாக இறுதி மரியாதை செலுத்தியுள்ளனர்.நண்பனின் திடீர் மறைவால் மனமுடைந்த சக நண்பர்கள், அவருடன் கழித்த நினைவுகளை மரியாதையாக நினைவு கூரும் வகையில், இந்த வித்தியாசமான மற்றும் நெஞ்சை உருக்கும் செயலை மேற்கொண்டுள்ளனர்.மைதானத்தின் நடுவே வைக்கப்பட்டிருந்த சடலப் பேழையைச் சுற்றி நின்ற நண்பர்கள், கண்ணீருடன் கோல் அடித்து விளையாடிய காட்சி, அனைவரையும் ஆழ்ந்த உணர்ச்சியில் ஆழ்த்தியது.இந்த சம்பவம் தொடர்பான காணொளிகள் சமூக வலைத்தளங்களில் வைரலாகி வருகின்றது.நட்பு, நினைவு, இழப்பு ஆகியவை ஒன்றிணைந்த இந்த நிகழ்வு,அன்பு மரணத்திற்குப் பிறகும் முடிவதில்லை என்பதற்கு ஒரு சான்றாக அமைந்துள்ளது.https://www.facebook.com/share/v/1EtiweYYCV/