கழிப்பறைத் தொட்டிக்குள் மறைத்து வைக்கப்பட்டிருந்த ஹெரோய்ன் - மோப்ப நாயால் கண்டுபிடிப்பு ஹிக்கடுவையில் மறைத்து வைக்கப்பட்டிருந்த ஹெரோய்னை  பொலிஸாரின்  மோப்ப நாய் ‘பெர்சி’ கண்டுபிடித்துள்ளது. ஹிக்கடுவை, நலகஸ்தெனியவில் உள்ள ஒரு ஆடம்பர இரண்டு மாடி வீட்டின் கழிப்பறை தொட்டியில் மறைத்து வைக்கப்பட்டிருந்த 14.8 கிராம் எடையுள்ள  ஹெரோய்ன் மறைத்து வைக்கப்பட்டிருந்தது. அதனையே பொலிஸின் மோப்ப நாயான “பெர்சி” மீட்டுள்ளது.  வீட்டின் பெண் உரிமையாளர் போதைப்பொருள் கடத்தலில் ஈடுபட்டதாக கிடைத்த தகவலின் பேரில், காலி பிரிவு குற்றப்பிரிவு அதிகாரிகள் வீட்டின்  வளாகத்தில் விரிவான சோதனை நடத்தினர்.இருப்பினும், ஆரம்பத்தில் எந்த போதைப் பொருட்களும் கிடைக்கவில்லை. சந்தேக நபரின் கணவரும் குழந்தைகளும் வீட்டிற்குத் திரும்பும் வரை சோதனை நிறுத்தி வைக்கப்பட்டது.பின்னர், போதைப்பொருள் மோப்ப நாய் பெர்சி (எண்.1511) வரவழைக்கப்பட்டது. பாலிதீனில் சுற்றப்பட்டு, மேல் தள குளியலறையின் கழிப்பறை தொட்டிக்குள் மறைத்து வைக்கப்பட்டிருந்த  ஹெரோய்னை பெர்சி வெற்றிகரமாகக் கண்டுபிடித்தார்.மேலதிக விசாரணைகளில், சந்தேக நபர் ஒரு உத்தரவைப் பெறும்போது மேல் தளத்திலிருந்து சுவருக்கு மேலே பாலிதீனில் சுற்றப்பட்ட போதைப்பொருள் பொட்டலங்களை வீசியதாகக் கூறப்படுகிறது. இதனையடுத்து  39 வயதுடைய  வீட்டு உரிமையாளரான பெண்  கைது செய்யப்பட்டுள்ளார்.