இந்து - பசுபிக் பிராந்தியத்திற்கான அமைச்சர் யாழ்ப்பாணத்திற்கு விஜயம்  பிரித்தானியாவின் இந்து- பசுபிக் பிராந்தியத்திற்கான அமைச்சர் கெதரின் வெஸ்ட் யாழ்ப்பாணத்திற்கு நேற்றையதினம் விஜயம் செய்தார்.பாராளுமன்ற உறுப்பினர்களான கஜேந்திரகுமார் பொன்னம்பலம், சிவஞானம் சிறீதரன் ஆகியோர் அமைச்சரை சந்தித்து கலந்துரையாடினார்.யாழ்ப்பாணம் பொது சன நூலகத்திற்கு விஜயம் செய்த பிரித்தானிய அமைச்சர்,சிவில் சமூக தலைவர்களையும் சந்தித்து கலந்துரையாடினார்.இதன்போது இலங்கைக்கான பிரித்தானிய தூதுவர் அன்ட்ரு பற்றிக்கும் பங்கேற்றார்.இலங்கை - ஐக்கிய இராச்சிய உறவுகளை வலுப்படுத்தவும்வளர்ச்சியை ஊக்குவிக்கும் நோக்கிலும் ஐக்கிய இராச்சிய அமைச்சர் விஜயம் அமைந்தது.இதேவேளை  யாழ் பொது நூலகத்திற்கு சென்று நூலகத்தை பார்வையிட்டு வர்த்தகர்கள் வடக்கு ஆளுநர் மற்றும் முக்கிய பிரமுகர்களை சந்தித்து கலந்துரையாடியுள்ளார்.இதனைத் தொடர்ந்து பல்வேறு இடங்களுக்கு சென்றதுடன் அரசியல் தலைவர்களையும் சந்தித்து கலந்துரையாடினார்.